अध्याय 13: सुरथ और वैश्य को वरदान

एतत्ते कथितं भूप देवीमाहात्म्यमुत्तमम् ।
एवंप्रभावा सा देवी ययेदं धार्यते जगत्

etatte kathitaṃ bhūpa devīmāhātmyamuttamam |
evaṃprabhāvā sā devī yayedaṃ dhāryate jagat

ऋषि बोले: हे राजन, मैंने तुम्हें देवी का यह उत्तम माहात्म्य सुना दिया। जिनके द्वारा यह जगत धारण किया जाता है, वे देवी ऐसे ही प्रभाव वाली हैं।

विद्या तथैव क्रियते भगवद्विष्णुमायया ।
तथा त्वमेष वैश्यश्च तथैवान्ये विवेकिनः ।
मोह्यन्ते मोहिताश्चैव मोहमेष्यन्ति चापरे

vidyā tathaiva kriyate bhagavadviṣṇumāyayā |
tathā tvameṣa vaiśyaśca tathaivānye vivekinaḥ |
mohyante mohitāścaiva mohameṣyanti cāpare

भगवान विष्णु की माया स्वरूपा वही देवी विद्या (ज्ञान) भी देती हैं। उन्हीं से तुम, यह वैश्य और अन्य विवेकी जन भी मोहित होते हैं; दूसरे मोहित हो चुके हैं और आगे भी मोह को प्राप्त होंगे।

तामुपैहि महाराज शरणं परमेश्वरीम् ।
आराधिता सैव नृणां भोगस्वर्गापवर्गदा

tāmupaihi mahārāja śaraṇaṃ parameśvarīm |
ārādhitā saiva nṛṇāṃ bhogasvargāpavargadā

हे महाराज, उन्हीं परमेश्वरी की शरण में जाओ। आराधना करने पर वही मनुष्यों को भोग, स्वर्ग और मोक्ष प्रदान करती हैं।

इति तस्य वचः श्रुत्वा सुरथः स नराधिपः ।
प्रणिपत्य महाभागं तमृषिं शंसितव्रतम्

iti tasya vacaḥ śrutvā surathaḥ sa narādhipaḥ |
praṇipatya mahābhāgaṃ tamṛṣiṃ śaṃsitavratam

मार्कण्डेय बोले: उनकी यह बात सुनकर राजा सुरथ ने उन महाभाग, उत्तम व्रत वाले ऋषि को प्रणाम किया,

निर्विण्णोऽतिममत्वेन राज्यापहरणेन च ।
जगम सद्यस्तपसे स च वैश्यो महामुने

nirviṇṇo'timamatvena rājyāpaharaṇena ca |
jagama sadyastapase sa ca vaiśyo mahāmune

और अत्यन्त ममता तथा राज्य छिन जाने से विरक्त होकर वे तुरन्त तपस्या के लिए चले गए। हे महामुने, वह वैश्य भी उनके साथ गया।

संदर्शनार्थमम्बाया नदीपुलिनसंस्थितः ।
स च वैश्यस्तपस्तेपे देवीसूक्तं परं जपन्

saṃdarśanārthamambāyā nadīpulinasaṃsthitaḥ |
sa ca vaiśyastapastepe devīsūktaṃ paraṃ japan

अम्बा के दर्शन के लिए वे दोनों नदी के तट पर रहकर उत्तम देवीसूक्त का जप करते हुए तपस्या करने लगे।

तौ तस्मिन् पिलिने देव्याः कृत्वा मूर्ति महीमयीम् ।
अर्हणां चक्रतुस्तस्याः पुष्पधूपाग्नितर्पणैः

tau tasmin piline devyāḥ kṛtvā mūrti mahīmayīm |
arhaṇāṃ cakratustasyāḥ puṣpadhūpāgnitarpaṇaiḥ

उस तट पर दोनों ने मिट्टी की देवी-मूर्ति बनाई और पुष्प, धूप, अग्नि-होम तथा जल-तर्पण से उसकी पूजा की।

निराहारौ यतात्मानौ तन्मनस्कौ समाहितौ ।
ददतुस्तौ बलिं चैव निजगात्रासृगुक्षितम्

nirāhārau yatātmānau tanmanaskau samāhitau |
dadatustau baliṃ caiva nijagātrāsṛgukṣitam

निराहार रहकर, मन को वश में करके, देवी में मन लगाए और एकाग्र होकर उन्होंने अपने ही शरीर के रक्त से सिंचित बलि अर्पित की।

एवं समाराधयतोस्त्रिभिर्वर्षैर्यतात्मनोः ।
परितुष्टा जगद्धात्री प्रत्यक्षं प्राह चण्डिका

evaṃ samārādhayatostribhirvarṣairyatātmanoḥ |
parituṣṭā jagaddhātrī pratyakṣaṃ prāha caṇḍikā

जब संयमी मन से उन्होंने इस प्रकार तीन वर्ष तक आराधना की, तब जगत को धारण करने वाली चण्डिका प्रसन्न होकर प्रत्यक्ष प्रकट हुईं और बोलीं।

यत्प्रार्थ्यते त्वया भूप त्वया च कुलनन्दन ।
मत्तस्तत्प्राप्यतां सर्वं परितुष्टा ददामि तत्

yatprārthyate tvayā bhūpa tvayā ca kulanandana |
mattastatprāpyatāṃ sarvaṃ parituṣṭā dadāmi tat

देवी बोलीं: हे राजन, और हे कुलनन्दन वैश्य, तुम जो माँगो, वह सब मुझसे प्राप्त करो। मैं प्रसन्न हूँ और वह दूँगी।

ततो वव्रे नृपो राज्यमविभ्रंश्यन्यजन्मनि ।
अत्रैव च निजं राज्यं हतशत्रुबलं बलात्

tato vavre nṛpo rājyamavibhraṃśyanyajanmani |
atraiva ca nijaṃ rājyaṃ hataśatrubalaṃ balāt

मार्कण्डेय बोले: तब राजा ने अगले जन्म में कभी न छिनने वाला राज्य माँगा, और इसी जन्म में शत्रुओं की शक्ति नष्ट करके बलपूर्वक अपना राज्य वापस माँगा।

सोऽपि वैश्यस्ततो ज्ञानं वव्रे निर्विण्णमानसः ।
ममेत्यहमिति प्राज्ञः सङ्गविच्युतिकारकम्

so'pi vaiśyastato jñānaṃ vavre nirviṇṇamānasaḥ |
mametyahamiti prājñaḥ saṅgavicyutikārakam

वह बुद्धिमान वैश्य, जिसका मन संसार से विरक्त हो चुका था, ऐसा ज्ञान माँगा जो 'मैं' और 'मेरा' की आसक्ति को काट दे।

स्वल्पैरहोभिर्नृपते स्वं राज्यं प्राप्स्यते भवान् ।
हत्वा रिपूनस्खलितं तव तत्र भविष्यति

svalpairahobhirnṛpate svaṃ rājyaṃ prāpsyate bhavān |
hatvā ripūnaskhalitaṃ tava tatra bhaviṣyati

देवी बोलीं: हे राजन, थोड़े ही दिनों में तुम अपना राज्य पा लोगे। शत्रुओं को मारकर तुम्हारा राज्य वहाँ स्थिर रहेगा।

मृतश्च भूयः सम्प्राप्य जन्म देवाद्विवस्वतः ।
सावर्णिको नाम मनुर्भवान् भुवि भविष्यति

mṛtaśca bhūyaḥ samprāpya janma devādvivasvataḥ |
sāvarṇiko nāma manurbhavān bhuvi bhaviṣyati

और मृत्यु के बाद सूर्यदेव विवस्वान से फिर जन्म पाकर तुम पृथ्वी पर सावर्णिक नाम के मनु बनोगे।

वैश्यवर्य त्वया यश्च वरोऽस्मत्तोऽभिवाञ्छतः ।
तं प्रयच्छामि संसिद्ध्यै तव ज्ञानं भविष्यति

vaiśyavarya tvayā yaśca varo'smatto'bhivāñchataḥ |
taṃ prayacchāmi saṃsiddhyai tava jñānaṃ bhaviṣyati

हे वैश्यश्रेष्ठ, तुमने मुझसे जो वर चाहा है, वह मैं तुम्हें सिद्धि के लिए देती हूँ। तुम्हें ज्ञान प्राप्त होगा।

इति दत्त्वा तयोर्देवी यथाभिलषितं वरम् ।
बभूवान्तर्हिता सद्यो भक्त्या ताभ्यामभिष्टुता

iti dattvā tayordevī yathābhilaṣitaṃ varam |
babhūvāntarhitā sadyo bhaktyā tābhyāmabhiṣṭutā

मार्कण्डेय बोले: इस प्रकार दोनों को उनका मनचाहा वर देकर, उनके द्वारा भक्ति से स्तुति की गई देवी तुरन्त अन्तर्धान हो गईं।

एवं देव्या वरं लब्ध्वा सुरथः क्षत्रियर्षभः ।
सूर्याज्जन्म समासाद्य सावर्णिर्भविता मनुः

evaṃ devyā varaṃ labdhvā surathaḥ kṣatriyarṣabhaḥ |
sūryājjanma samāsādya sāvarṇirbhavitā manuḥ

इस प्रकार देवी से वर पाकर क्षत्रियश्रेष्ठ सुरथ सूर्य से जन्म लेकर सावर्णि मनु होंगे।