अध्याय 1: कलियुग में राज करने वाले राजा

स्वधामानुगते कृष्ण यदुवंशविभूषणे ।
कस्य वंशोऽभवत् पृथ्व्यां एतद् आचक्ष्व मे मुने
(श्रीशुक उवाच)
योऽन्त्यः पुरञ्जयो नाम भाव्यो बार्हद्रथो नृप
तस्यामात्यस्तु शुनको हत्वा स्वामिनमात्मजम्

svadhāmānugate kṛṣṇa yaduvaṃśavibhūṣaṇe |
kasya vaṃśo'bhavat pṛthvyāṃ etad ācakṣva me mune
(śrīśuka uvāca)
yo'ntyaḥ purañjayo nāma bhāvyo bārhadratho nṛpa
tasyāmātyastu śunako hatvā svāminamātmajam

प्रद्योतसंज्ञं राजानं कर्ता यत्पालकः सुतः
विशाखयूपस्तत्पुत्रो भविता राजकस्ततः

pradyotasaṃjñaṃ rājānaṃ kartā yatpālakaḥ sutaḥ
viśākhayūpastatputro bhavitā rājakastataḥ

नन्दिवर्धनस्तत्पुत्रः पञ्च प्रद्योतना इमे
अष्टत्रिंशोत्तरशतं भोक्ष्यन्ति पृथिवीं नृपाः

nandivardhanastatputraḥ pañca pradyotanā ime
aṣṭatriṃśottaraśataṃ bhokṣyanti pṛthivīṃ nṛpāḥ

क्षेमधर्मा तस्य सुतः क्षेत्रज्ञः क्षेमधर्मजः

kṣemadharmā tasya sutaḥ kṣetrajñaḥ kṣemadharmajaḥ

दर्भकस्तत्सुतो भावी दर्भकस्याजयः स्मृतः

darbhakastatsuto bhāvī darbhakasyājayaḥ smṛtaḥ

शिशुनागा दशैवैते सष्ट्युत्तरशतत्रयम्

śiśunāgā daśaivaite saṣṭyuttaraśatatrayam

समा भोक्ष्यन्ति पृथिवीं कुरुश्रेष्ठ कलौ नृपाः
महानन्दिसुतो राजन्शूद्रा गर्भोद्भवो बली

samā bhokṣyanti pṛthivīṃ kuruśreṣṭha kalau nṛpāḥ
mahānandisuto rājanśūdrā garbhodbhavo balī

ततो नृपा भविष्यन्ति शूद्र प्रायास्त्वधार्मिकाः

tato nṛpā bhaviṣyanti śūdra prāyāstvadhārmikāḥ

शासिष्यति महापद्मो द्वितीय इव भार्गवः

śāsiṣyati mahāpadmo dvitīya iva bhārgavaḥ

तस्य चाष्टौ भविष्यन्ति सुमाल्यप्रमुखाः सुताः
य इमां भोक्ष्यन्ति महीं राजानश्च शतं समाः

tasya cāṣṭau bhaviṣyanti sumālyapramukhāḥ sutāḥ
ya imāṃ bhokṣyanti mahīṃ rājānaśca śataṃ samāḥ

नव नन्दान्द्विजः कश्चित्प्रपन्नानुद्धरिष्यति
तेषां अभावे जगतीं मौर्या भोक्ष्यन्ति वै कलौ

nava nandāndvijaḥ kaścitprapannānuddhariṣyati
teṣāṃ abhāve jagatīṃ mauryā bhokṣyanti vai kalau

स एव चन्द्र गुप्तं वै द्विजो राज्येऽभिषेक्ष्यति
तत्सुतो वारिसारस्तु ततश्चाशोकवर्धनः

sa eva candra guptaṃ vai dvijo rājye'bhiṣekṣyati
tatsuto vārisārastu tataścāśokavardhanaḥ

शालिशूकस्ततस्तस्य सोमशर्मा भविष्यति
शतधन्वा ततस्तस्य भविता तद्बृहद्रथः

śāliśūkastatastasya somaśarmā bhaviṣyati
śatadhanvā tatastasya bhavitā tadbṛhadrathaḥ

मौर्या ह्येते दश नृपाः सप्तत्रिंशच्छतोत्तरम्
समा भोक्ष्यन्ति पृथिवीं कलौ कुरुकुलोद्वह

mauryā hyete daśa nṛpāḥ saptatriṃśacchatottaram
samā bhokṣyanti pṛthivīṃ kalau kurukulodvaha

अग्निमित्रस्ततस्तस्मात्सुज्येष्ठो भविता ततः
वसुमित्रो भद्रकश्च पुलिन्दो भविता सुतः

agnimitrastatastasmātsujyeṣṭho bhavitā tataḥ
vasumitro bhadrakaśca pulindo bhavitā sutaḥ

ततो भागवतस्तस्माद्देवभूतिः कुरूद्वह

tato bhāgavatastasmāddevabhūtiḥ kurūdvaha

शुङ्गा दशैते भोक्ष्यन्ति भूमिं वर्षशताधिकम्
ततः काण्वानियं भूमिर्यास्यत्यल्पगुणान्नृप

śuṅgā daśaite bhokṣyanti bhūmiṃ varṣaśatādhikam
tataḥ kāṇvāniyaṃ bhūmiryāsyatyalpaguṇānnṛpa

शुङ्गं हत्वा देवभूतिं काण्वोऽमात्यस्तु कामिनम्
स्वयं करिष्यते राज्यं वसुदेवो महामतिः

śuṅgaṃ hatvā devabhūtiṃ kāṇvo'mātyastu kāminam
svayaṃ kariṣyate rājyaṃ vasudevo mahāmatiḥ

तस्य पुत्रस्तु भूमित्रस्तस्य नारायणः सुतः
काण्वायना इमे भूमिं चत्वारिंशच्च पञ्च च
शतानि त्रीणि भोक्ष्यन्ति वर्षाणां च कलौ युगे

tasya putrastu bhūmitrastasya nārāyaṇaḥ sutaḥ
kāṇvāyanā ime bhūmiṃ catvāriṃśacca pañca ca
śatāni trīṇi bhokṣyanti varṣāṇāṃ ca kalau yuge

हत्वा काण्वं सुशर्माणं तद्भृत्यो वृषलो बली
गां भोक्ष्यत्यन्ध्रजातीयः कञ्चित्कालमसत्तमः

hatvā kāṇvaṃ suśarmāṇaṃ tadbhṛtyo vṛṣalo balī
gāṃ bhokṣyatyandhrajātīyaḥ kañcitkālamasattamaḥ

श्रीशान्तकर्णस्तत्पुत्रः पौर्णमासस्तु तत्सुतः

śrīśāntakarṇastatputraḥ paurṇamāsastu tatsutaḥ

लम्बोदरस्तु तत्पुत्रस्तस्माच्चिबिलको नृपः
मेघस्वातिश्चिबिलकादटमानस्तु तस्य च

lambodarastu tatputrastasmāccibilako nṛpaḥ
meghasvātiścibilakādaṭamānastu tasya ca

पुरीषभीरुस्तत्पुत्रस्ततो राजा सुनन्दनः

purīṣabhīrustatputrastato rājā sunandanaḥ

तस्यापि गोमती पुत्रः पुरीमान्भविता ततः

tasyāpi gomatī putraḥ purīmānbhavitā tataḥ

मेदशिराः शिवस्कन्दो यज्ञश्रीस्तत्सुतस्ततः
विजयस्तत्सुतो भाव्यश्चन्द्र विज्ञः सलोमधिः

medaśirāḥ śivaskando yajñaśrīstatsutastataḥ
vijayastatsuto bhāvyaścandra vijñaḥ salomadhiḥ

षट्पञ्चाशच्च पृथिवीं भोक्ष्यन्ति कुरुनन्दन

ṣaṭpañcāśacca pṛthivīṃ bhokṣyanti kurunandana

कङ्काः षोडश भूपाला भविष्यन्त्यतिलोलुपाः

kaṅkāḥ ṣoḍaśa bhūpālā bhaviṣyantyatilolupāḥ

भूयो दश गुरुण्डाश्च मौला एकादशैव तु

bhūyo daśa guruṇḍāśca maulā ekādaśaiva tu

नवाधिकां च नवतिं मौला एकादश क्षितिम्

navādhikāṃ ca navatiṃ maulā ekādaśa kṣitim

भोक्ष्यन्त्यब्दशतान्यङ्ग त्रीणि तैः संस्थिते ततः
किलकिलायां नृपतयो भूतनन्दोऽथ वङ्गिरिः

bhokṣyantyabdaśatānyaṅga trīṇi taiḥ saṃsthite tataḥ
kilakilāyāṃ nṛpatayo bhūtanando'tha vaṅgiriḥ

शिशुनन्दिश्च तद्भ्राता यशोनन्दिः प्रवीरकः
इत्येते वै वर्षशतं भविष्यन्त्यधिकानि षट्

śiśunandiśca tadbhrātā yaśonandiḥ pravīrakaḥ
ityete vai varṣaśataṃ bhaviṣyantyadhikāni ṣaṭ

पुष्पमित्रोऽथ राजन्यो दुर्मित्रोऽस्य तथैव च

puṣpamitro'tha rājanyo durmitro'sya tathaiva ca

एककाला इमे भूपाः सप्तान्ध्राः सप्त कौशलाः
विदूरपतयो भाव्या निषधास्तत एव हि

ekakālā ime bhūpāḥ saptāndhrāḥ sapta kauśalāḥ
vidūrapatayo bhāvyā niṣadhāstata eva hi

मागधानां तु भविता विश्वस्फूर्जिः पुरञ्जयः
करिष्यत्यपरो वर्णान्पुलिन्दयदुमद्र कान्

māgadhānāṃ tu bhavitā viśvasphūrjiḥ purañjayaḥ
kariṣyatyaparo varṇānpulindayadumadra kān

प्रजाश्चाब्रह्मभूयिष्ठाः स्थापयिष्यति दुर्मतिः
वीर्यवान्क्षत्रमुत्साद्य पद्मवत्यां स वै पुरि
अनुगङ्गमाप्रयागं गुप्तां भोक्ष्यति मेदिनीम्

prajāścābrahmabhūyiṣṭhāḥ sthāpayiṣyati durmatiḥ
vīryavānkṣatramutsādya padmavatyāṃ sa vai puri
anugaṅgamāprayāgaṃ guptāṃ bhokṣyati medinīm

सौराष्ट्रावन्त्याभीराश्च शूरा अर्बुदमालवाः
व्रात्या द्विजा भविष्यन्ति शूद्र प्राया जनाधिपाः

saurāṣṭrāvantyābhīrāśca śūrā arbudamālavāḥ
vrātyā dvijā bhaviṣyanti śūdra prāyā janādhipāḥ

सिन्धोस्तटं चन्द्रभागां कौन्तीं काश्मीरमण्डलम्
भोक्ष्यन्ति शूद्रा व्रात्याद्या म्लेच्छाश्चाब्रह्मवर्चसः

sindhostaṭaṃ candrabhāgāṃ kauntīṃ kāśmīramaṇḍalam
bhokṣyanti śūdrā vrātyādyā mlecchāścābrahmavarcasaḥ

तुल्यकाला इमे राजन्म्लेच्छप्रायाश्च भूभृतः
एतेऽधर्मानृतपराः फल्गुदास्तीव्रमन्यवः

tulyakālā ime rājanmlecchaprāyāśca bhūbhṛtaḥ
ete'dharmānṛtaparāḥ phalgudāstīvramanyavaḥ

उदितास्तमितप्राया अल्पसत्त्वाल्पकायुषः

uditāstamitaprāyā alpasattvālpakāyuṣaḥ

प्रजास्ते भक्षयिष्यन्ति म्लेच्छा राजन्यरूपिणः

prajāste bhakṣayiṣyanti mlecchā rājanyarūpiṇaḥ

अन्योन्यतो राजभिश्च क्षयं यास्यन्ति पीडिताः

anyonyato rājabhiśca kṣayaṃ yāsyanti pīḍitāḥ