Chapter 6: Closing verses to Rama and Narayana

ॐ आपदामपहर्तारं दातारं सर्वसम्पदाम् ।
लोकाभिरामं श्रीरामं भूयो भूयो नमाम्यहम् ॥

oṃ āpadāmapahartāraṃ dātāraṃ sarvasampadām |
lokābhirāmaṃ śrīrāmaṃ bhūyo bhūyo namāmyaham ||

Om. Again and again I bow to Shri Rama, who takes away calamities, who gives every kind of prosperity, and who delights the whole world.

आर्तानामार्तिहन्तारं भीतानां भीतिनाशनम् ।
द्विषतां कालदण्डं तं रामचन्द्रं नमाम्यहम् ॥

ārtānāmārtihantāraṃ bhītānāṃ bhītināśanam |
dviṣatāṃ kāladaṇḍaṃ taṃ rāmacandraṃ namāmyaham ||

I bow to Ramachandra, who ends the pain of the afflicted and destroys the fear of the frightened, and who is the rod of death to those who hate the good.

नमः कोदण्डहस्ताय सन्धीकृतशराय च ।
खण्डिताखिलदैत्याय रामायापन्निवारिणे ॥

namaḥ kodaṇḍahastāya sandhīkṛtaśarāya ca |
khaṇḍitākhiladaityāya rāmāyāpannivāriṇe ||

Salutations to Rama, the Kodanda bow in His hand and an arrow set to the string, who cut down all the daityas and wards off every misfortune.

रामाय रामभद्राय रामचन्द्राय वेधसे ।
रघुनाथाय नाथाय सीतायाः पतये नमः ॥

rāmāya rāmabhadrāya rāmacandrāya vedhase |
raghunāthāya nāthāya sītāyāḥ pataye namaḥ ||

Salutations to Rama, to Ramabhadra the auspicious, to Ramachandra, to the Creator, to Raghunatha the lord of the Raghus, to the Lord, the husband of Sita.

अग्रतः पृष्ठतश्चैव पार्श्वतश्च महाबलौ ।
आकर्णपूर्णधन्वानौ रक्षेतां रामलक्ष्मणौ ॥

agrataḥ pṛṣṭhataścaiva pārśvataśca mahābalau |
ākarṇapūrṇadhanvānau rakṣetāṃ rāmalakṣmaṇau ||

May the mighty Rama and Lakshmana, their bows drawn back to the ear, guard me in front, behind and on both sides.

सन्नद्धः कवची खड्गी चापबाणधरो युवा ।
गच्छन्ममाग्रतो नित्यं रामः पातु सलक्ष्मणः ॥

sannaddhaḥ kavacī khaḍgī cāpabāṇadharo yuvā |
gacchanmamāgrato nityaṃ rāmaḥ pātu salakṣmaṇaḥ ||

Armed and armoured, with sword, bow and arrows, ever youthful, may Rama with Lakshmana walk always before me and protect me.

अच्युतानन्तगोविन्दनामोच्चारणभेषजात् ।
नश्यन्ति सकला रोगास्सत्यं सत्यं वदाम्यहम् ॥

acyutānantagovindanāmoccāraṇabheṣajāt |
naśyanti sakalā rogāssatyaṃ satyaṃ vadāmyaham ||

By the medicine of uttering the names Achyuta, Ananta and Govinda, every disease is destroyed. I speak the truth, the truth.

सत्यं सत्यं पुनस्सत्यमुद्धृत्य भुजमुच्यते ।
वेदाच्छास्त्रं परं नास्ति न देवः केशवात्परः ॥

satyaṃ satyaṃ punassatyamuddhṛtya bhujamucyate |
vedācchāstraṃ paraṃ nāsti na devaḥ keśavātparaḥ ||

With arm raised it is declared: truth, truth and again truth. There is no shastra higher than the Veda, and no God higher than Keshava.

शरीरे जर्ज्जरीभूते व्याधिग्रस्ते कलेवरे ।
औषधं जाह्नवीतोयं वैद्यो नारायणो हरिः ॥

śarīre jarjjarībhūte vyādhigraste kalevare |
auṣadhaṃ jāhnavītoyaṃ vaidyo nārāyaṇo hariḥ ||

When the body is worn out and seized by disease, the water of the Ganga (Jahnavi) is the medicine, and Narayana, Hari, is the physician.

आलोड्य सर्वशास्त्राणि विचार्य च पुनः पुनः ।
इदमेकं सुनिष्पन्नं ध्येयो नारायणो हरिः ॥

āloḍya sarvaśāstrāṇi vicārya ca punaḥ punaḥ |
idamekaṃ suniṣpannaṃ dhyeyo nārāyaṇo hariḥ ||

Having searched all the shastras and reflected on them again and again, this one conclusion stands firm: Narayana, Hari, is the one to meditate on.

यदक्षरपदभ्रष्टं मात्राहीनं तु यद्भवेत् ।
तत्सर्व क्षम्यतां देव नारायण नमोऽस्तु ते ॥

yadakṣarapadabhraṣṭaṃ mātrāhīnaṃ tu yadbhavet |
tatsarva kṣamyatāṃ deva nārāyaṇa namo'stu te ||

Whatever syllable or word has slipped, whatever measure has been left short, O Lord, forgive it all. Narayana, salutations to You.

विसर्गबिन्दुमात्राणि पदपादाक्षराणि च ।
न्यूनानि चातिरिक्तानि क्षमस्व पुरुषोत्तम ॥

visargabindumātrāṇi padapādākṣarāṇi ca |
nyūnāni cātiriktāni kṣamasva puruṣottama ||

Visarga, anusvara and vowel measures, words, quarter-verses and syllables, whatever was too little or too much, forgive it, Purushottama.

नमः कमलनाभाय नमस्ते जलशायिने ।
नमस्ते केशवानन्त वासुदेव नमोऽस्तुते ॥

namaḥ kamalanābhāya namaste jalaśāyine |
namaste keśavānanta vāsudeva namo'stute ||

Salutations to the lotus-naveled One; salutations to You who lie upon the waters. Salutations to You, Keshava, Ananta; Vasudeva, salutations to You.

नमो ब्रह्मण्यदेवाय गोब्राह्मणहिताय च ।
जगद्धिताय कृष्णाय गोविंदाय नमो नमः ॥

namo brahmaṇyadevāya gobrāhmaṇahitāya ca |
jagaddhitāya kṛṣṇāya goviṃdāya namo namaḥ ||

Salutations to the God who cherishes the Vedas and the brahmanas, who does good to cows and brahmanas, who does good to the world; to Krishna, to Govinda, salutations again and again.

आकाशात्पतितं तोयं यथा गच्छति सागरम् ।
सर्वदेवनमस्कारः केशवं प्रति गच्छति ॥

ākāśātpatitaṃ toyaṃ yathā gacchati sāgaram |
sarvadevanamaskāraḥ keśavaṃ prati gacchati ||

As water fallen from the sky goes to the ocean, so every salutation offered to any deva goes to Keshava.

एष निष्कण्टकः पन्था यत्र संपूज्यते हरिः ।
कुपथं तं विजानीयाद् गोविन्दरहितागमम् ॥

eṣa niṣkaṇṭakaḥ panthā yatra saṃpūjyate hariḥ |
kupathaṃ taṃ vijānīyād govindarahitāgamam ||

That path where Hari is worshipped is free of thorns. Know as a wrong path any teaching that leaves out Govinda.

सर्ववेदेषु यत्पुण्यं सर्वतीर्थेषु यत्फलम् ।
तत्फलं समवाप्नोति स्तुत्वा देवं जनार्दनम् ॥

sarvavedeṣu yatpuṇyaṃ sarvatīrtheṣu yatphalam |
tatphalaṃ samavāpnoti stutvā devaṃ janārdanam ||

Whatever merit lies in all the Vedas and whatever fruit in all the tirthas, that fruit one gains by praising Janardana.

यो नरः पठते नित्यं त्रिकालं केशवालये ।
द्विकालमेककालं वा क्रूरं सर्वं व्यपोहति ॥

yo naraḥ paṭhate nityaṃ trikālaṃ keśavālaye |
dvikālamekakālaṃ vā krūraṃ sarvaṃ vyapohati ||

The person who recites this daily in a temple of Keshava, three times a day, or twice, or even once, drives away everything cruel.

दह्यन्ते रिपवस्तस्य सौम्याः सर्वे सदा ग्रहाः ।
विलीयन्ते च पापानि स्तवे ह्यस्मिन् प्रकीर्तिते ॥

dahyante ripavastasya saumyāḥ sarve sadā grahāḥ |
vilīyante ca pāpāni stave hyasmin prakīrtite ||

When this hymn is recited, his enemies are burnt up, all the planets become ever gentle to him, and his sins melt away.

येन ध्यातः श्रुतो येन येनायं पठ्यते स्तवः ।
दत्तानि सर्वदानानि सुराः सर्वे समर्चिताः ॥

yena dhyātaḥ śruto yena yenāyaṃ paṭhyate stavaḥ |
dattāni sarvadānāni surāḥ sarve samarcitāḥ ||

One who has meditated on this hymn, heard it or recited it has, in effect, given every gift and worshipped all the devas.

इह लोके परे वापि न भयं विद्यते क्वचित् ।
नाम्नां सहस्रं योऽधीते द्वादश्यां मम सन्निधौ ॥

iha loke pare vāpi na bhayaṃ vidyate kvacit |
nāmnāṃ sahasraṃ yo'dhīte dvādaśyāṃ mama sannidhau ||

For one who studies the thousand names on Dvadashi in My presence, there is no fear anywhere, in this world or the next.

शनैर्दहन्ति पापानि कल्पकोटिशतानि च ।
अश्वत्थसन्निधौ पार्थ ध्यात्वा मनसि केशवम् ॥

śanairdahanti pāpāni kalpakoṭiśatāni ca |
aśvatthasannidhau pārtha dhyātvā manasi keśavam ||

Partha, sins of hundreds of crores of kalpas are slowly burnt away when one, near an ashvattha (peepal) tree, meditates on Keshava in the heart...

पठेन्नामसहस्रं तु गवां कोटिफलं लभेत् ।
शिवालये पठेनित्यं तुलसीवनसंस्थितः ॥

paṭhennāmasahasraṃ tu gavāṃ koṭiphalaṃ labhet |
śivālaye paṭhenityaṃ tulasīvanasaṃsthitaḥ ||

...and recites the thousand names; he gains the merit of giving a crore of cows. One who recites daily in a Shiva temple, or seated in a grove of tulasi...

नरो मुक्तिमवाप्नोति चक्रपाणेर्वचो यथा ।
ब्रह्महत्यादिकं घोरं सर्वपापं विनश्यति ॥

naro muktimavāpnoti cakrapāṇervaco yathā |
brahmahatyādikaṃ ghoraṃ sarvapāpaṃ vinaśyati ||

...attains liberation, as the word of Chakrapani, the bearer of the discus, declares. Every sin, even the terrible ones such as killing a brahmana, is destroyed.

विलयं यान्ति पापानि चान्यपापस्य का कथा ।
सर्वपापविनिर्मुक्तो विष्णुलोकं स गच्छति ॥ ॥हरिः ॐ तत्सत् ॥

vilayaṃ yānti pāpāni cānyapāpasya kā kathā |
sarvapāpavinirmukto viṣṇulokaṃ sa gacchati || ||hariḥ oṃ tatsat ||

Such sins dissolve, so what need to speak of lesser ones? Freed from every sin, he goes to Vishnu's loka. Hari Om Tat Sat.