Rishi: मैत्रावरुणिर्वसिष्ठः · Devata: अश्विनौ · Metre: त्रिष्टुप्
7 verses · 70 of 104
Maharshi Vasishtha calls the Ashvins, desired by all, to the seat prepared for them on earth, where the offering stands like a horse with a glossy back. The hot gharma milk waits in the house of man. Their dwellings are in heaven, in the great rivers, the plants and the clans, and on the mountain top. He reminds them that they have heard many prayers of the rishis through the ages, and asks them to come now to Vasishtha, for these hymns are sung for them.
आ वि॑श्ववाराश्विना गतं न॒ः प्र तत्स्थान॑मवाचि वां पृथि॒व्याम् ।
अश्वो॒ न वा॒जी शु॒नपृ॑ष्ठो अस्था॒दा यत्से॒दथु॑र्ध्रु॒वसे॒ न योनि॑म्
ā viśvavārāśvinā gataṃ naḥ pra tatsthānamavāci vāṃ pṛthivyām |
aśvo na vājī śunapṛṣṭho asthādā yatsedathurdhruvase na yonim
सिष॑क्ति॒ सा वां॑ सुम॒तिश्चनि॒ष्ठाता॑पि घ॒र्मो मनु॑षो दुरो॒णे ।
यो वां॑ समु॒द्रान्स॒रित॒ः पिप॒र्त्येत॑ग्वा चि॒न्न सु॒युजा॑ युजा॒नः
siṣakti sā vāṃ sumatiścaniṣṭhātāpi gharmo manuṣo duroṇe |
yo vāṃ samudrānsaritaḥ pipartyetagvā cinna suyujā yujānaḥ
यानि॒ स्थाना॑न्यश्विना द॒धाथे॑ दि॒वो य॒ह्वीष्वोष॑धीषु वि॒क्षु ।
नि पर्व॑तस्य मू॒र्धनि॒ सद॒न्तेषं॒ जना॑य दा॒शुषे॒ वह॑न्ता
yāni sthānānyaśvinā dadhāthe divo yahvīṣvoṣadhīṣu vikṣu |
ni parvatasya mūrdhani sadanteṣaṃ janāya dāśuṣe vahantā
च॒नि॒ष्टं दे॑वा॒ ओष॑धीष्व॒प्सु यद्यो॒ग्या अ॒श्नवै॑थे॒ ऋषी॑णाम् ।
पु॒रूणि॒ रत्ना॒ दध॑तौ॒ न्य१॒॑स्मे अनु॒ पूर्वा॑णि चख्यथुर्यु॒गानि॑
caniṣṭaṃ devā oṣadhīṣvapsu yadyogyā aśnavaithe ṛṣīṇām |
purūṇi ratnā dadhatau nyasme anu pūrvāṇi cakhyathuryugāni
शु॒श्रु॒वांसा॑ चिदश्विना पु॒रूण्य॒भि ब्रह्मा॑णि चक्षाथे॒ ऋषी॑णाम् ।
प्रति॒ प्र या॑तं॒ वर॒मा जना॑या॒स्मे वा॑मस्तु सुम॒तिश्चनि॑ष्ठा
śuśruvāṃsā cidaśvinā purūṇyabhi brahmāṇi cakṣāthe ṛṣīṇām |
prati pra yātaṃ varamā janāyāsme vāmastu sumatiścaniṣṭhā
यो वां॑ य॒ज्ञो ना॑सत्या ह॒विष्मा॑न्कृ॒तब्र॑ह्मा सम॒र्यो॒३॒॑ भवा॑ति ।
उप॒ प्र या॑तं॒ वर॒मा वसि॑ष्ठमि॒मा ब्रह्मा॑ण्यृच्यन्ते यु॒वभ्या॑म्
yo vāṃ yajño nāsatyā haviṣmānkṛtabrahmā samaryo bhavāti |
upa pra yātaṃ varamā vasiṣṭhamimā brahmāṇyṛcyante yuvabhyām
इ॒यं म॑नी॒षा इ॒यम॑श्विना॒ गीरि॒मां सु॑वृ॒क्तिं वृ॑षणा जुषेथाम् ।
इ॒मा ब्रह्मा॑णि युव॒यून्य॑ग्मन्यू॒यं पा॑त स्व॒स्तिभि॒ः सदा॑ नः
iyaṃ manīṣā iyamaśvinā gīrimāṃ suvṛktiṃ vṛṣaṇā juṣethām |
imā brahmāṇi yuvayūnyagmanyūyaṃ pāta svastibhiḥ sadā naḥ
Text source: Wikisource · CC BY-SA 4.0 (Wikisource transcription of a public-domain text)
