ऊ॒र्ध्वो अ॒ग्निः सु॑म॒तिं वस्वो॑ अश्रेत्प्रती॒ची जू॒र्णिर्दे॒वता॑तिमेति ।
भे॒जाते॒ अद्री॑ र॒थ्ये॑व॒ पन्था॑मृ॒तं होता॑ न इषि॒तो य॑जाति
ūrdhvo agniḥ sumatiṃ vasvo aśretpratīcī jūrṇirdevatātimeti |
bhejāte adrī rathyeva panthāmṛtaṃ hotā na iṣito yajāti
Mandala 7
Sukta 39: Agni calls the gods to the rite
Rishi: मैत्रावरुणिर्वसिष्ठः · Devata: विश्वे देवाः · Metre: त्रिष्टुप्
7 verses · 39 of 104
What happens in this chapter
Agni calls the gods to the rite
Agni stands upright and has reached the favour of the Good, says Vasishtha; the ancient ladle goes toward the gods, and the pressing stones take the path like two chariot-horses. The grass is spread, and Vayu and Pushan with their teams are called at the first call of dawn for well-being. The gods take delight here on the earth and are adorned in the wide sky; let them make their paths turn toward us. Agni is asked to worship the eager gods: Bhaga, the Nasatyas, Mitra, Varuna, Indra, Aryaman, Aditi and Vishnu, with Sarasvati and the Maruts rejoicing. Praised by the Vasishthas, let them give a song that reaches high.
प्र वा॑वृजे सुप्र॒या ब॒र्हिरे॑षा॒मा वि॒श्पती॑व॒ बीरि॑ट इयाते ।
वि॒शाम॒क्तोरु॒षस॑ः पू॒र्वहू॑तौ वा॒युः पू॒षा स्व॒स्तये॑ नि॒युत्वा॑न्
pra vāvṛje suprayā barhireṣāmā viśpatīva bīriṭa iyāte |
viśāmaktoruṣasaḥ pūrvahūtau vāyuḥ pūṣā svastaye niyutvān
ज्म॒या अत्र॒ वस॑वो रन्त दे॒वा उ॒राव॒न्तरि॑क्षे मर्जयन्त शु॒भ्राः ।
अ॒र्वाक्प॒थ उ॑रुज्रयः कृणुध्वं॒ श्रोता॑ दू॒तस्य॑ ज॒ग्मुषो॑ नो अ॒स्य
jmayā atra vasavo ranta devā urāvantarikṣe marjayanta śubhrāḥ |
arvākpatha urujrayaḥ kṛṇudhvaṃ śrotā dūtasya jagmuṣo no asya
ते हि य॒ज्ञेषु॑ य॒ज्ञिया॑स॒ ऊमा॑ः स॒धस्थं॒ विश्वे॑ अ॒भि सन्ति॑ दे॒वाः ।
ताँ अ॑ध्व॒र उ॑श॒तो य॑क्ष्यग्ने श्रु॒ष्टी भगं॒ नास॑त्या॒ पुरं॑धिम्
te hi yajñeṣu yajñiyāsa ūmāḥ sadhasthaṃ viśve abhi santi devāḥ |
tām̐ adhvara uśato yakṣyagne śruṣṭī bhagaṃ nāsatyā puraṃdhim
आग्ने॒ गिरो॑ दि॒व आ पृ॑थि॒व्या मि॒त्रं व॑ह॒ वरु॑ण॒मिन्द्र॑म॒ग्निम् ।
आर्य॒मण॒मदि॑तिं॒ विष्णु॑मेषां॒ सर॑स्वती म॒रुतो॑ मादयन्ताम्
āgne giro diva ā pṛthivyā mitraṃ vaha varuṇamindramagnim |
āryamaṇamaditiṃ viṣṇumeṣāṃ sarasvatī maruto mādayantām
र॒रे ह॒व्यं म॒तिभि॑र्य॒ज्ञिया॑नां॒ नक्ष॒त्कामं॒ मर्त्या॑ना॒मसि॑न्वन् ।
धाता॑ र॒यिम॑विद॒स्यं स॑दा॒सां स॑क्षी॒महि॒ युज्ये॑भि॒र्नु दे॒वैः
rare havyaṃ matibhiryajñiyānāṃ nakṣatkāmaṃ martyānāmasinvan |
dhātā rayimavidasyaṃ sadāsāṃ sakṣīmahi yujyebhirnu devaiḥ
नू रोद॑सी अ॒भिष्टु॑ते॒ वसि॑ष्ठैरृ॒तावा॑नो॒ वरु॑णो मि॒त्रो अ॒ग्निः ।
यच्छ॑न्तु च॒न्द्रा उ॑प॒मं नो॑ अ॒र्कं यू॒यं पा॑त स्व॒स्तिभि॒ः सदा॑ नः
nū rodasī abhiṣṭute vasiṣṭhairṛtāvāno varuṇo mitro agniḥ |
yacchantu candrā upamaṃ no arkaṃ yūyaṃ pāta svastibhiḥ sadā naḥ
Text source: Wikisource · CC BY-SA 4.0 (Wikisource transcription of a public-domain text)