उदु॒ ब्रह्मा॑ण्यैरत श्रव॒स्येन्द्रं॑ सम॒र्ये म॑हया वसिष्ठ ।
आ यो विश्वा॑नि॒ शव॑सा त॒तानो॑पश्रो॒ता म॒ ईव॑तो॒ वचां॑सि
udu brahmāṇyairata śravasyendraṃ samarye mahayā vasiṣṭha |
ā yo viśvāni śavasā tatānopaśrotā ma īvato vacāṃsi
Mandala 7
Sukta 23: Raise your prayers, Vasishtha
Rishi: मैत्रावरुणिर्वसिष्ठः · Devata: इन्द्रः · Metre: त्रिष्टुप्
6 verses · 23 of 104
What happens in this chapter
Raise your prayers, Vasishtha
The rishi speaks to himself: 'Raise your prayers, Vasishtha, and magnify Indra in the contest,' Indra who spread all things by his strength and hears the words of one like me. The cry has gone up, kin to the gods; no one among men knows the length of his own life, so may Indra carry us beyond these troubles. He yokes the cow-seeking chariot to his bays, pushes heaven and earth apart and slays the obstacles without rival. The waters swelled like barren cows; let Indra come as Vayu comes with his teams. The Vasishthas sing to the vajra-armed bull and ask for wealth in sons and cattle.
अया॑मि॒ घोष॑ इन्द्र दे॒वजा॑मिरिर॒ज्यन्त॒ यच्छु॒रुधो॒ विवा॑चि ।
न॒हि स्वमायु॑श्चिकि॒ते जने॑षु॒ तानीदंहां॒स्यति॑ पर्ष्य॒स्मान्
ayāmi ghoṣa indra devajāmirirajyanta yacchurudho vivāci |
nahi svamāyuścikite janeṣu tānīdaṃhāṃsyati parṣyasmān
यु॒जे रथं॑ ग॒वेष॑णं॒ हरि॑भ्या॒मुप॒ ब्रह्मा॑णि जुजुषा॒णम॑स्थुः ।
वि बा॑धिष्ट॒ स्य रोद॑सी महि॒त्वेन्द्रो॑ वृ॒त्राण्य॑प्र॒ती ज॑घ॒न्वान्
yuje rathaṃ gaveṣaṇaṃ haribhyāmupa brahmāṇi jujuṣāṇamasthuḥ |
vi bādhiṣṭa sya rodasī mahitvendro vṛtrāṇyapratī jaghanvān
आप॑श्चित्पिप्युः स्त॒र्यो॒३॒॑ न गावो॒ नक्ष॑न्नृ॒तं ज॑रि॒तार॑स्त इन्द्र ।
या॒हि वा॒युर्न नि॒युतो॑ नो॒ अच्छा॒ त्वं हि धी॒भिर्दय॑से॒ वि वाजा॑न्
āpaścitpipyuḥ staryo na gāvo nakṣannṛtaṃ jaritārasta indra |
yāhi vāyurna niyuto no acchā tvaṃ hi dhībhirdayase vi vājān
ते त्वा॒ मदा॑ इन्द्र मादयन्तु शु॒ष्मिणं॑ तुवि॒राध॑सं जरि॒त्रे ।
एको॑ देव॒त्रा दय॑से॒ हि मर्ता॑न॒स्मिञ्छू॑र॒ सव॑ने मादयस्व
te tvā madā indra mādayantu śuṣmiṇaṃ tuvirādhasaṃ jaritre |
eko devatrā dayase hi martānasmiñchūra savane mādayasva
ए॒वेदिन्द्रं॒ वृष॑णं॒ वज्र॑बाहुं॒ वसि॑ष्ठासो अ॒भ्य॑र्चन्त्य॒र्कैः ।
स न॑ः स्तु॒तो वी॒रव॑द्धातु॒ गोम॑द्यू॒यं पा॑त स्व॒स्तिभि॒ः सदा॑ नः
evedindraṃ vṛṣaṇaṃ vajrabāhuṃ vasiṣṭhāso abhyarcantyarkaiḥ |
sa naḥ stuto vīravaddhātu gomadyūyaṃ pāta svastibhiḥ sadā naḥ
Text source: Wikisource · CC BY-SA 4.0 (Wikisource transcription of a public-domain text)