धा॒नाव॑न्तं कर॒म्भिण॑मपू॒पव॑न्तमु॒क्थिन॑म् ।
इन्द्र॑ प्रा॒तर्जु॑षस्व नः
dhānāvantaṃ karambhiṇamapūpavantamukthinam |
indra prātarjuṣasva naḥ
Mandala 3
Sukta 52: Grain, cakes and purodasha for Indra
Rishi: गाथिनो विश्वामित्रः · Devata: इन्द्रः · Metre: त्रिष्टुप्, १-४ गायत्री, ६ जगती
8 verses · 52 of 62
What happens in this chapter
Grain, cakes and purodasha for Indra
Vishvamitra's hymn of food offerings to Indra across the three pressings, in gayatri, trishtubh and jagati. At morning Indra is asked to enjoy roasted grain, karambha gruel, apupa cakes and the hymns. He is to relish the purodasha as a suitor delights in a maiden. At midday he is to make the grain and cake pleasing, and at the third pressing to honour the offered cake. Karambha is made for him as companion of Pushan, grain for his bays, and the apupa for him with the Maruts. Day after day these offerings are to strengthen him for Soma.
पु॒रो॒ळाशं॑ पच॒त्यं॑ जु॒षस्वे॒न्द्रा गु॑रस्व च ।
तुभ्यं॑ ह॒व्यानि॑ सिस्रते
puroḻāśaṃ pacatyaṃ juṣasvendrā gurasva ca |
tubhyaṃ havyāni sisrate
पु॒रो॒ळाशं॑ च नो॒ घसो॑ जो॒षया॑से॒ गिर॑श्च नः ।
व॒धू॒युरि॑व॒ योष॑णाम्
puroḻāśaṃ ca no ghaso joṣayāse giraśca naḥ |
vadhūyuriva yoṣaṇām
पु॒रो॒ळाशं॑ सनश्रुत प्रातःसा॒वे जु॑षस्व नः ।
इन्द्र॒ क्रतु॒र्हि ते॑ बृ॒हन्
puroḻāśaṃ sanaśruta prātaḥsāve juṣasva naḥ |
indra kraturhi te bṛhan
माध्यं॑दिनस्य॒ सव॑नस्य धा॒नाः पु॑रो॒ळाश॑मिन्द्र कृष्वे॒ह चारु॑म् ।
प्र यत्स्तो॒ता ज॑रि॒ता तूर्ण्य॑र्थो वृषा॒यमा॑ण॒ उप॑ गी॒र्भिरीट्टे॑
mādhyaṃdinasya savanasya dhānāḥ puroḻāśamindra kṛṣveha cārum |
pra yatstotā jaritā tūrṇyartho vṛṣāyamāṇa upa gīrbhirīṭṭe
तृ॒तीये॑ धा॒नाः सव॑ने पुरुष्टुत पुरो॒ळाश॒माहु॑तं मामहस्व नः ।
ऋ॒भु॒मन्तं॒ वाज॑वन्तं त्वा कवे॒ प्रय॑स्वन्त॒ उप॑ शिक्षेम धी॒तिभि॑ः
tṛtīye dhānāḥ savane puruṣṭuta puroḻāśamāhutaṃ māmahasva naḥ |
ṛbhumantaṃ vājavantaṃ tvā kave prayasvanta upa śikṣema dhītibhiḥ
पू॒ष॒ण्वते॑ ते चकृमा कर॒म्भं हरि॑वते॒ हर्य॑श्वाय धा॒नाः ।
अ॒पू॒पम॑द्धि॒ सग॑णो म॒रुद्भि॒ः सोमं॑ पिब वृत्र॒हा शू॑र वि॒द्वान्
pūṣaṇvate te cakṛmā karambhaṃ harivate haryaśvāya dhānāḥ |
apūpamaddhi sagaṇo marudbhiḥ somaṃ piba vṛtrahā śūra vidvān
प्रति॑ धा॒ना भ॑रत॒ तूय॑मस्मै पुरो॒ळाशं॑ वी॒रत॑माय नृ॒णाम् ।
दि॒वेदि॑वे स॒दृशी॑रिन्द्र॒ तुभ्यं॒ वर्ध॑न्तु त्वा सोम॒पेया॑य धृष्णो
prati dhānā bharata tūyamasmai puroḻāśaṃ vīratamāya nṛṇām |
divedive sadṛśīrindra tubhyaṃ vardhantu tvā somapeyāya dhṛṣṇo
Text source: Wikisource · CC BY-SA 4.0 (Wikisource transcription of a public-domain text)