Rishi: मुष्कवानिन्द्रः · Devata: इन्द्रः · Metre: जगती
5 verses · 38 of 191
Mushkavan Indra speaks five jagati verses to Indra. In this glorious battle, where arrows fly on every side, Indra is asked to help us win cows and to open for us wealth flowing with cattle. Whether Dasa or Arya, any godless man who plans to fight us, may those foes be easy to defeat with Indra beside us. He is called by the few and by the many. The last verse is a playful call: I have heard that you free yourself; free yourself from Kutsa and come here. How can one like you sit bound?
अ॒स्मिन्न॑ इन्द्र पृत्सु॒तौ यश॑स्वति॒ शिमी॑वति॒ क्रन्द॑सि॒ प्राव॑ सा॒तये॑ ।
यत्र॒ गोषा॑ता धृषि॒तेषु॑ खा॒दिषु॒ विष्व॒क्पत॑न्ति दि॒द्यवो॑ नृ॒षाह्ये॑
asminna indra pṛtsutau yaśasvati śimīvati krandasi prāva sātaye |
yatra goṣātā dhṛṣiteṣu khādiṣu viṣvakpatanti didyavo nṛṣāhye
स न॑ः क्षु॒मन्तं॒ सद॑ने॒ व्यू॑र्णुहि॒ गोअ॑र्णसं र॒यिमि॑न्द्र श्र॒वाय्य॑म् ।
स्याम॑ ते॒ जय॑तः शक्र मे॒दिनो॒ यथा॑ व॒यमु॒श्मसि॒ तद्व॑सो कृधि
sa naḥ kṣumantaṃ sadane vyūrṇuhi goarṇasaṃ rayimindra śravāyyam |
syāma te jayataḥ śakra medino yathā vayamuśmasi tadvaso kṛdhi
यो नो॒ दास॒ आर्यो॑ वा पुरुष्टु॒तादे॑व इन्द्र यु॒धये॒ चिके॑तति ।
अ॒स्माभि॑ष्टे सु॒षहा॑ः सन्तु॒ शत्र॑व॒स्त्वया॑ व॒यं तान्व॑नुयाम संग॒मे
yo no dāsa āryo vā puruṣṭutādeva indra yudhaye ciketati |
asmābhiṣṭe suṣahāḥ santu śatravastvayā vayaṃ tānvanuyāma saṃgame
यो द॒भ्रेभि॒र्हव्यो॒ यश्च॒ भूरि॑भि॒र्यो अ॒भीके॑ वरिवो॒विन्नृ॒षाह्ये॑ ।
तं वि॑खा॒दे सस्नि॑म॒द्य श्रु॒तं नर॑म॒र्वाञ्च॒मिन्द्र॒मव॑से करामहे
yo dabhrebhirhavyo yaśca bhūribhiryo abhīke varivovinnṛṣāhye |
taṃ vikhāde sasnimadya śrutaṃ naramarvāñcamindramavase karāmahe
स्व॒वृजं॒ हि त्वाम॒हमि॑न्द्र शु॒श्रवा॑नानु॒दं वृ॑षभ रध्र॒चोद॑नम् ।
प्र मु॑ञ्चस्व॒ परि॒ कुत्सा॑दि॒हा ग॑हि॒ किमु॒ त्वावा॑न्मु॒ष्कयो॑र्ब॒द्ध आ॑सते
svavṛjaṃ hi tvāmahamindra śuśravānānudaṃ vṛṣabha radhracodanam |
pra muñcasva pari kutsādihā gahi kimu tvāvānmuṣkayorbaddha āsate
Text source: Wikisource · CC BY-SA 4.0 (Wikisource transcription of a public-domain text)
