Chapter 23: Shalya, offended, agrees to drive Karna's chariot

एवमुक्तो महाराज तव पुत्रः प्रतापवान् ।
मद्रेश्वरं प्रति रणे सुरसैन्यभयङ्करम् ।
सर्वं तथाऽकरोत्तूर्णं राधेयस्तद्यथाऽब्रवीत्

evamukto mahārāja tava putraḥ pratāpavān |
madreśvaraṃ prati raṇe surasainyabhayaṅkaram |
sarvaṃ tathā'karottūrṇaṃ rādheyastadyathā'bravīt

मद्राजं च समरे प्रणम्य च महारथम् ।
विनयेनोपसङ्गम्य प्रणयाद्वाक्यमब्रवीत्

madrājaṃ ca samare praṇamya ca mahāratham |
vinayenopasaṅgamya praṇayādvākyamabravīt

सत्यव्रत महाभाग द्विषतां तापवर्धन ।
मद्रेश्वर रणेशूर परसैन्यभयङ्कर

satyavrata mahābhāga dviṣatāṃ tāpavardhana |
madreśvara raṇeśūra parasainyabhayaṅkara

मत्प्रियार्थं हितार्थं च तथा पार्थवधाय च ।
श्रुतवानसि कर्णस्य ब्रुवतो वदतां वर ।
यथा नृपतिसिंहानां मध्ये त्वां वरये स्वयम्

matpriyārthaṃ hitārthaṃ ca tathā pārthavadhāya ca |
śrutavānasi karṇasya bruvato vadatāṃ vara |
yathā nṛpatisiṃhānāṃ madhye tvāṃ varaye svayam

तत्त्वामप्रतिवीर्याद्य शत्रुपक्षक्षयावह ।
मद्रेश्वर प्रयाचेऽहं शिरसा विनयेन च

tattvāmaprativīryādya śatrupakṣakṣayāvaha |
madreśvara prayāce'haṃ śirasā vinayena ca

तस्मात्पार्थविनाशार्थं हितार्थं मम चैव हि ।
त्वं पाहि सर्वतः कर्णं भवं ब्रह्मेव सुव्रत

tasmātpārthavināśārthaṃ hitārthaṃ mama caiva hi |
tvaṃ pāhi sarvataḥ karṇaṃ bhavaṃ brahmeva suvrata

सारथ्यं रथिनां श्रेष्ठ प्रणयात्कर्तुमर्हसि ।
त्वयि यन्तरि राधेयो विद्विषो मे विजेष्यते

sārathyaṃ rathināṃ śreṣṭha praṇayātkartumarhasi |
tvayi yantari rādheyo vidviṣo me vijeṣyate

अभीषूणां हि कर्णस्य ग्रहीतान्यो न विद्यते ।
ऋते हि त्वां महाभाग वासुदेवसमं युधि

abhīṣūṇāṃ hi karṇasya grahītānyo na vidyate |
ṛte hi tvāṃ mahābhāga vāsudevasamaṃ yudhi

स पाहि सर्वथा कर्णं यथा ब्रह्मा महेश्वरम् ।
यथा च सर्वथाऽऽपत्सु वार्ष्णेयः पाति पाण्डवम् ।
तथा मद्रेश्वराद्य त्वं राधेयं प्रतिपालय

sa pāhi sarvathā karṇaṃ yathā brahmā maheśvaram |
yathā ca sarvathā''patsu vārṣṇeyaḥ pāti pāṇḍavam |
tathā madreśvarādya tvaṃ rādheyaṃ pratipālaya

भीष्मो द्रोणः कृपः कर्णो भवान्भोजश्च वीर्यवान् ।
शकुनिः सौबलो द्रौणिरहमेव च नो बलम्

bhīṣmo droṇaḥ kṛpaḥ karṇo bhavānbhojaśca vīryavān |
śakuniḥ saubalo drauṇirahameva ca no balam

एवमेष कृतो भागो नवधा पृथिवीपते ।
न च भागोऽत्र भीष्मस्य द्रोणस्य च महात्मनः

evameṣa kṛto bhāgo navadhā pṛthivīpate |
na ca bhāgo'tra bhīṣmasya droṇasya ca mahātmanaḥ

ताभ्यामतीत्य तौ भागौ निहता मम शत्रवः ।
वृद्वौ हि तौ महेष्वासौ छलेन निहतौ युधि

tābhyāmatītya tau bhāgau nihatā mama śatravaḥ |
vṛdvau hi tau maheṣvāsau chalena nihatau yudhi

कृत्वा चासुकरं कर्म गतौ स्वर्गमितोऽनघ ।
तथान्ये पुरुषव्याघ्राः परैर्विनिहता युधि

kṛtvā cāsukaraṃ karma gatau svargamito'nagha |
tathānye puruṣavyāghrāḥ parairvinihatā yudhi

अस्मदीयाश्च बहवः स्वर्गाय गमिताः परैः ।
त्यक्त्वा प्राणानय्थाशक्ति चेष्टां कृत्वा च पुष्कलाम् ।

asmadīyāśca bahavaḥ svargāya gamitāḥ paraiḥ |
tyaktvā prāṇānaythāśakti ceṣṭāṃ kṛtvā ca puṣkalām |

तदिदं हतभूयिष्ठं बलं मम नराधिप ।
पूर्वमप्यल्पकैः पार्थैर्हतं किमुत साम्प्रतम्

tadidaṃ hatabhūyiṣṭhaṃ balaṃ mama narādhipa |
pūrvamapyalpakaiḥ pārthairhataṃ kimuta sāmpratam

बलवन्तो महात्मानः कौन्तेयाः सत्यविक्रमाः ।
बलं शेषं न हन्युर्मे यथा तत्कुरु पार्थिव

balavanto mahātmānaḥ kaunteyāḥ satyavikramāḥ |
balaṃ śeṣaṃ na hanyurme yathā tatkuru pārthiva

हतवीरमिदं सैन्यं पाण्डवैः समरे विभो ।
कर्णो ह्येको महाबाहुरस्मत्प्रियहिते रतः

hatavīramidaṃ sainyaṃ pāṇḍavaiḥ samare vibho |
karṇo hyeko mahābāhurasmatpriyahite rataḥ

भवांश्च पुरुषव्याघ्र सर्वलोकमहारथः ।
शल्य कर्णोऽर्जुनेनाद्य योद्वुमिच्छति संयुगे

bhavāṃśca puruṣavyāghra sarvalokamahārathaḥ |
śalya karṇo'rjunenādya yodvumicchati saṃyuge

तस्मिञ्जयाशा विपुला मद्रराज नराधिप ।
तस्याभीषुग्रहवरो नान्योऽस्ति भुवि कश्चन

tasmiñjayāśā vipulā madrarāja narādhipa |
tasyābhīṣugrahavaro nānyo'sti bhuvi kaścana

पार्थस्य समरे कृष्णो यथाऽभीषुग्रहो वरः ।
तथा त्वमपि कर्णस्य रथेऽभीषुग्रहो भव

pārthasya samare kṛṣṇo yathā'bhīṣugraho varaḥ |
tathā tvamapi karṇasya rathe'bhīṣugraho bhava

तेन युक्तो रणे पार्थो रक्ष्यमाणश्च पार्थिव ।
यानि कर्माणि कुरुते प्रत्यक्षाणि तथैव तत्

tena yukto raṇe pārtho rakṣyamāṇaśca pārthiva |
yāni karmāṇi kurute pratyakṣāṇi tathaiva tat

पूर्वं नः समरे ह्येवमधीदर्जुनो रिपून् ।
इदानीं विक्रमो ह्यस्य कृष्णेन सहितस्य च

pūrvaṃ naḥ samare hyevamadhīdarjuno ripūn |
idānīṃ vikramo hyasya kṛṣṇena sahitasya ca

कृष्णेन सहितः पार्थो धार्तराष्ट्रीं महाचमूम् ।
अहन्यहनि मद्रेश द्रावयन्दृश्यते युधि

kṛṣṇena sahitaḥ pārtho dhārtarāṣṭrīṃ mahācamūm |
ahanyahani madreśa drāvayandṛśyate yudhi

भागोऽवशिष्टः कर्णस्य तव चैव महाद्युते ।
तं भागं सह कर्णेन युगपन्नाशयाद्य हि

bhāgo'vaśiṣṭaḥ karṇasya tava caiva mahādyute |
taṃ bhāgaṃ saha karṇena yugapannāśayādya hi

अरुणेन यथा सार्धं तमः सूर्यो व्यपोहति ।
तथा कर्णेन सहितो जहि पार्थं महाहवे

aruṇena yathā sārdhaṃ tamaḥ sūryo vyapohati |
tathā karṇena sahito jahi pārthaṃ mahāhave

उद्यन्तौ च यथा सूर्यौ बालसूर्यसमप्रभौ ।
कर्णशल्यौ रणे दृष्ट्वा विद्रवन्तु महारथाः

udyantau ca yathā sūryau bālasūryasamaprabhau |
karṇaśalyau raṇe dṛṣṭvā vidravantu mahārathāḥ

सूर्यारुषौ यथा दृष्ट्वा तमो नश्यति मारिष ।
तथा नश्यन्तु कौन्तेयाः सपाञ्चालाः ससृञ्जयाः

sūryāruṣau yathā dṛṣṭvā tamo naśyati māriṣa |
tathā naśyantu kaunteyāḥ sapāñcālāḥ sasṛñjayāḥ

रथिनां प्रवरः कर्णो यन्तॄणां प्रवरो भवान् ।
संयोगो युवयोर्लोके नाभून्न च भविष्यति

rathināṃ pravaraḥ karṇo yantṝṇāṃ pravaro bhavān |
saṃyogo yuvayorloke nābhūnna ca bhaviṣyati

यथा सर्वास्ववस्थासु वार्ष्मेयः पाति पाण्डवम् ।
तथा भवान्परित्रातु कर्णं वैकर्तनं रणे ।
सारथ्यं क्रियतां तस्य युध्यमानस्य संयुगे

yathā sarvāsvavasthāsu vārṣmeyaḥ pāti pāṇḍavam |
tathā bhavānparitrātu karṇaṃ vaikartanaṃ raṇe |
sārathyaṃ kriyatāṃ tasya yudhyamānasya saṃyuge

यथा च समरे कृष्णो रक्षते सर्वतोऽर्जुनम् ।
तथा त्वमपि राधेयं रक्षस्व च महारणे

yathā ca samare kṛṣṇo rakṣate sarvato'rjunam |
tathā tvamapi rādheyaṃ rakṣasva ca mahāraṇe

त्वया सारथिना ह्येष अप्रधृष्यो भविष्यति ।
देवतानामपि रणे सशक्राणां महीपते ।
किं पुनः पाण्डवेयानां मा विशङ्कीर्वचो मम

tvayā sārathinā hyeṣa apradhṛṣyo bhaviṣyati |
devatānāmapi raṇe saśakrāṇāṃ mahīpate |
kiṃ punaḥ pāṇḍaveyānāṃ mā viśaṅkīrvaco mama

दुर्योधनवचः श्रुत्वा शल्यः क्रोधसमन्वितः ।
धार्तराष्ट्रमथोवाच सृक्विणी परिलेलिहन्

duryodhanavacaḥ śrutvā śalyaḥ krodhasamanvitaḥ |
dhārtarāṣṭramathovāca sṛkviṇī parilelihan

त्रिशिखां भ्रुकुटिं कृत्वा धुन्वन्हस्तौ पुनःपुनः ।
क्रोधरक्ते महानेत्रे परिवृत्य महाभुजः ।
कुलैश्वर्यश्रुतबलैर्दृप्तः शल्योऽब्रवीदिदम्

triśikhāṃ bhrukuṭiṃ kṛtvā dhunvanhastau punaḥpunaḥ |
krodharakte mahānetre parivṛtya mahābhujaḥ |
kulaiśvaryaśrutabalairdṛptaḥ śalyo'bravīdidam

न मामर्हसि राजेद्र नियोक्तुं कर्मणीदृशे ।
न हि पापीयसः श्रेयान्प्रेष्यत्वं कर्तुमर्हति

na māmarhasi rājedra niyoktuṃ karmaṇīdṛśe |
na hi pāpīyasaḥ śreyānpreṣyatvaṃ kartumarhati

यो ह्यभ्युपगतं मित्रं गरीयांसं विशेषतः ।
वशे पापीयसो धत्ते तत्कार्यमधरोत्तरम्

yo hyabhyupagataṃ mitraṃ garīyāṃsaṃ viśeṣataḥ |
vaśe pāpīyaso dhatte tatkāryamadharottaram

ब्रह्मणा ब्राह्मणाः सृष्टा मुखात्क्षत्रं च बाहुतः ।
ऊरुभ्यामथ वैश्या वै शूद्राः पद्भ्यामिति श्रुतिः

brahmaṇā brāhmaṇāḥ sṛṣṭā mukhātkṣatraṃ ca bāhutaḥ |
ūrubhyāmatha vaiśyā vai śūdrāḥ padbhyāmiti śrutiḥ

तेभ्यो वर्णविशेषाश्च प्रतिलोमानुलोमजाः ।
अथान्योन्यस्य संयोगाच्चातुर्वर्ण्यस्य भारत

tebhyo varṇaviśeṣāśca pratilomānulomajāḥ |
athānyonyasya saṃyogāccāturvarṇyasya bhārata

गोप्तारः सङ्गृहीतारो दातारः क्षत्रियाः स्मृताः

goptāraḥ saṅgṛhītāro dātāraḥ kṣatriyāḥ smṛtāḥ

याजनाध्यापनैर्विप्रा विशुद्वैश्च प्रतिग्रहैः ।
लोकस्यानुग्रहार्थाय स्थापिता ब्राह्मणा भुवि

yājanādhyāpanairviprā viśudvaiśca pratigrahaiḥ |
lokasyānugrahārthāya sthāpitā brāhmaṇā bhuvi

कृषिश्च पाशुपाल्यं च विशां दानं च धर्मतः ।
ब्रह्मक्षत्रविशां शूद्रा विहिताः परिचारकाः

kṛṣiśca pāśupālyaṃ ca viśāṃ dānaṃ ca dharmataḥ |
brahmakṣatraviśāṃ śūdrā vihitāḥ paricārakāḥ

ब्रह्मक्षत्रस्य विहिताः सूता वै परिचारकाः ।
न क्षत्रियो वै सूतानां शृणुयाच्च कथञ्चन

brahmakṣatrasya vihitāḥ sūtā vai paricārakāḥ |
na kṣatriyo vai sūtānāṃ śṛṇuyācca kathañcana

अहं मूर्धाभिषिक्तो हि राजर्षिकुलजो नृपः ।
महारथसमाख्यातः सेव्यः स्तुत्यश्च वन्दिनां

ahaṃ mūrdhābhiṣikto hi rājarṣikulajo nṛpaḥ |
mahārathasamākhyātaḥ sevyaḥ stutyaśca vandināṃ

सोऽमहेतादृशो भूत्वा नेहारिबलसूदनः ।
सूतपुत्रस्य सङ्ग्रामे सारथ्यं कर्तुमुत्सहे

so'mahetādṛśo bhūtvā nehāribalasūdanaḥ |
sūtaputrasya saṅgrāme sārathyaṃ kartumutsahe

अवमन्यसे मां गान्धारे ध्रुवं चाप्यतिशङ्कसे ।
यस्माद्ब्रवीषि विस्रब्धः सारथ्यं क्रियतामिति

avamanyase māṃ gāndhāre dhruvaṃ cāpyatiśaṅkase |
yasmādbravīṣi visrabdhaḥ sārathyaṃ kriyatāmiti

अस्मत्तोऽभ्यधिकं कर्णं मन्वानस्तं प्रशंससि ।
न चाहं युधि राधेयं गणये तुल्यमात्मनः

asmatto'bhyadhikaṃ karṇaṃ manvānastaṃ praśaṃsasi |
na cāhaṃ yudhi rādheyaṃ gaṇaye tulyamātmanaḥ

आदिश्यतामभ्यधिको ममांशः पृथिवीपते ।
तमहं समरे हत्वा गमिष्यामि यथागतम्

ādiśyatāmabhyadhiko mamāṃśaḥ pṛthivīpate |
tamahaṃ samare hatvā gamiṣyāmi yathāgatam

अथवाप्येक एवाहं योत्स्यामि तव शत्रुभिः ।
पश्य वीर्यं ममाद्य त्वं सङ्ग्रामे दहतो रिपून्

athavāpyeka evāhaṃ yotsyāmi tava śatrubhiḥ |
paśya vīryaṃ mamādya tvaṃ saṅgrāme dahato ripūn

न चापि कामान्कौरव्य निधाय हृदये पुमान् ।
अस्मद्विधः प्रवर्तेत मा मा त्वमतिशङ्किथाः

na cāpi kāmānkauravya nidhāya hṛdaye pumān |
asmadvidhaḥ pravarteta mā mā tvamatiśaṅkithāḥ

अपि चाप्यवमानो मे न कर्तव्यः कथञ्चन ।
पश्य भीमौ मम भुजौ वज्रसंहननौ दृढौ

api cāpyavamāno me na kartavyaḥ kathañcana |
paśya bhīmau mama bhujau vajrasaṃhananau dṛḍhau

धनुः पश्य च मे चित्रं शरांश्चाशीविषपमान् ।
रथं च पश्य मे चित्रं सदश्वैर्वातवेगिभिः

dhanuḥ paśya ca me citraṃ śarāṃścāśīviṣapamān |
rathaṃ ca paśya me citraṃ sadaśvairvātavegibhiḥ

गदां च पश्य गान्धारे हेमपट्टविभूषिताम् ।
दारयेयं महीं क्रुद्धो विकिरेयं च पर्वतान् ।
शोषयेयं समुद्रांश्च पातयेयं च भास्करम्

gadāṃ ca paśya gāndhāre hemapaṭṭavibhūṣitām |
dārayeyaṃ mahīṃ kruddho vikireyaṃ ca parvatān |
śoṣayeyaṃ samudrāṃśca pātayeyaṃ ca bhāskaram

तं मामेवंविधं राजन्समर्थमरिनिग्रहे ।
कस्माद्युनङ्क्षि सारथ्ये सूतस्याधिरथेस्तु माम्

taṃ māmevaṃvidhaṃ rājansamarthamarinigrahe |
kasmādyunaṅkṣi sārathye sūtasyādhirathestu mām

न चापि मम राधेयः कलामर्हति षोडशीम्

na cāpi mama rādheyaḥ kalāmarhati ṣoḍaśīm

सकर्णा ये त्रयो लोकाः सार्जुनाः सजनार्दनाः ।
निबद्वांस्तन्त्रणे राजन्न गणेयं कथञ्चन

sakarṇā ye trayo lokāḥ sārjunāḥ sajanārdanāḥ |
nibadvāṃstantraṇe rājanna gaṇeyaṃ kathañcana

न चाहं प्राकृतः कश्चिन्न चास्म्यधिगतः स्वयम् ।
अयं चाप्यवमानो मे न कर्तव्यः कथञ्चन

na cāhaṃ prākṛtaḥ kaścinna cāsmyadhigataḥ svayam |
ayaṃ cāpyavamāno me na kartavyaḥ kathañcana

आपृच्छे त्वाद्य गान्धारे यास्यामि विषयं प्रति ।
न चाहं सूतपुत्रस्य सारथ्यमुपजग्मिवान्

āpṛcche tvādya gāndhāre yāsyāmi viṣayaṃ prati |
na cāhaṃ sūtaputrasya sārathyamupajagmivān

अवमानमहं प्राप्य न योत्स्यामि कथञ्चन ।
आपृच्छे त्वाऽद्य गान्धारे गमिष्यामि गृहाय वै

avamānamahaṃ prāpya na yotsyāmi kathañcana |
āpṛcche tvā'dya gāndhāre gamiṣyāmi gṛhāya vai

एवमुक्त्वा महाराज शल्यः समितिशोभनः ।
उत्थाय प्रययौ तूर्णं राजमध्यादमर्षितः

evamuktvā mahārāja śalyaḥ samitiśobhanaḥ |
utthāya prayayau tūrṇaṃ rājamadhyādamarṣitaḥ

प्रणयाद्बहुमानाच्च तं निगृह्य सुतस्तव ।
अब्रवीन्मधुरं वाक्यं साम्ना सर्वार्थसाधकम्

praṇayādbahumānācca taṃ nigṛhya sutastava |
abravīnmadhuraṃ vākyaṃ sāmnā sarvārthasādhakam

यथा शल्य त्वमात्थेदमेवमेतदसंशयम् ।
अभिप्रायस्तु मे कश्चित्तं निबोध जनेश्वर

yathā śalya tvamātthedamevametadasaṃśayam |
abhiprāyastu me kaścittaṃ nibodha janeśvara

न कर्णोऽभ्यधिकस्त्वत्तो न चान्ये चैव पार्थिवाः ।
न च मद्रेश्वर त्वां वै कृष्णः सोढुं च शक्ष्यति

na karṇo'bhyadhikastvatto na cānye caiva pārthivāḥ |
na ca madreśvara tvāṃ vai kṛṣṇaḥ soḍhuṃ ca śakṣyati

ऋतमेव हि पूर्वास्ते वदन्ति पुरुषोत्तमाः ।
तस्मादार्तायनिः प्रोक्तो भवानिति मतिर्मम

ṛtameva hi pūrvāste vadanti puruṣottamāḥ |
tasmādārtāyaniḥ prokto bhavāniti matirmama

शल्यबूतस्तु शत्रूणां यस्मात्त्वं युधि मानद ।
तस्माच्छल्येति ते नाम कथ्यते पृथिवीतले

śalyabūtastu śatrūṇāṃ yasmāttvaṃ yudhi mānada |
tasmācchalyeti te nāma kathyate pṛthivītale

यदेतद्व्याहृतं पूर्वं भवता भूरिदक्षिण ।
तदेव कुरु धर्मज्ञ मदर्थं यद्यदुच्यते

yadetadvyāhṛtaṃ pūrvaṃ bhavatā bhūridakṣiṇa |
tadeva kuru dharmajña madarthaṃ yadyaducyate

न च त्वत्तो हि राधेयो न चाहमपि वीर्यवान् ।
वृणेऽहं त्वां हयाग्र्याणां यन्तारमिह संयुगे

na ca tvatto hi rādheyo na cāhamapi vīryavān |
vṛṇe'haṃ tvāṃ hayāgryāṇāṃ yantāramiha saṃyuge

मन्ये चाभ्यधिकं शल्य गुणैः कर्णं धनञ्जयात् ।
भवन्तं वासुदेवाच्च लोकोऽयमतिमन्यते

manye cābhyadhikaṃ śalya guṇaiḥ karṇaṃ dhanañjayāt |
bhavantaṃ vāsudevācca loko'yamatimanyate

कर्णो ह्यभ्यधिकः पार्थादस्त्रैरेव नरर्षभ ।
भवानभ्यधिकः कृष्णादश्वज्ञाने बले तथा

karṇo hyabhyadhikaḥ pārthādastraireva nararṣabha |
bhavānabhyadhikaḥ kṛṣṇādaśvajñāne bale tathā

यथाऽश्वहृदयं वेद वासुदेवो महामनाः ।
द्विगुणं त्वं तथा वेत्सि मद्रराजेश्वरात्मज

yathā'śvahṛdayaṃ veda vāsudevo mahāmanāḥ |
dviguṇaṃ tvaṃ tathā vetsi madrarājeśvarātmaja

यन्मां ब्रवीषि गान्धारे मध्ये सैन्यस्य कौरव ।
विशिष्टं देवकीपुत्रात्प्रीतिमानस्म्यहं त्वयि

yanmāṃ bravīṣi gāndhāre madhye sainyasya kaurava |
viśiṣṭaṃ devakīputrātprītimānasmyahaṃ tvayi

एष सारथ्यमातिष्ठे राधेयस्य यशस्विनः ।
युध्यतः पाण्डवाग्र्येण यथा त्वं वीर मन्यसे

eṣa sārathyamātiṣṭhe rādheyasya yaśasvinaḥ |
yudhyataḥ pāṇḍavāgryeṇa yathā tvaṃ vīra manyase

समयश्च हि मे वीर कश्चिद्वैकर्तनं प्रति ।
उत्सृजेयं यथाश्रद्वमहं वाचोऽस्य सन्निधौ

samayaśca hi me vīra kaścidvaikartanaṃ prati |
utsṛjeyaṃ yathāśradvamahaṃ vāco'sya sannidhau

तथेति राजन्पुत्रस्ते सह कर्णेन भारत ।
अब्रवीन्मद्रराजस्य मतं भरतसxxxx

tatheti rājanputraste saha karṇena bhārata |
abravīnmadrarājasya mataṃ bharatasaxxxx