Chapter 15: Karna humbles Nakula and spares his life

नकुलं रभसं युद्धे द्रावयन्तं वरूथिनीम् ।
कर्णो वैकर्तनो राजन्वारयामास वै रुषा

nakulaṃ rabhasaṃ yuddhe drāvayantaṃ varūthinīm |
karṇo vaikartano rājanvārayāmāsa vai ruṣā

नकुलस्तु ततः कर्णं प्रहसन्निदमब्रवीत् ॥
चिरस्य बत दृष्टोऽहं दैवतैः सौम्यचक्षुषा ।

nakulastu tataḥ karṇaṃ prahasannidamabravīt ||
cirasya bata dṛṣṭo'haṃ daivataiḥ saumyacakṣuṣā |

यस्य मे त्वं रणे पाप चक्षुर्विषयमागतः ॥
त्वं हि मूलमनर्थानां वैरस्य कलहस्य च ।

yasya me tvaṃ raṇe pāpa cakṣurviṣayamāgataḥ ||
tvaṃ hi mūlamanarthānāṃ vairasya kalahasya ca |

त्वद्दोषात्कुरवः क्षीणाः समासाद्य परस्परम् ।
त्वामद्य समरे हत्वा कृतकृत्योऽस्मि विज्वरः

tvaddoṣātkuravaḥ kṣīṇāḥ samāsādya parasparam |
tvāmadya samare hatvā kṛtakṛtyo'smi vijvaraḥ

एवमुक्तः प्रत्युवाच नकुलं सूतनन्दनः ।
सदृशं राजपुत्रस्य धन्विनश्च विशेषतः

evamuktaḥ pratyuvāca nakulaṃ sūtanandanaḥ |
sadṛśaṃ rājaputrasya dhanvinaśca viśeṣataḥ

प्रहरस्व च मे वीर पश्यामस्तव पौरुषम् ।
कर्म कृत्वा रमे शूर ततः कत्थितुमर्हसि

praharasva ca me vīra paśyāmastava pauruṣam |
karma kṛtvā rame śūra tataḥ katthitumarhasi

अनुक्त्वा समरे तात शूरा युध्यन्ति शक्तितः ।
प्रयुध्यस्व मया शक्त्या हनिष्ये दर्पमेव ते

anuktvā samare tāta śūrā yudhyanti śaktitaḥ |
prayudhyasva mayā śaktyā haniṣye darpameva te

इत्युक्त्वा प्राहरत्तूर्णं पाण्डुपुत्राय सूतजः ।
विव्याध चैनं समरे त्रिसप्तत्या शिलीमुखैः

ityuktvā prāharattūrṇaṃ pāṇḍuputrāya sūtajaḥ |
vivyādha cainaṃ samare trisaptatyā śilīmukhaiḥ

नकुलस्तु ततो विद्वः सूतपुत्रेण भारत ।
अशीत्याऽऽशीविषप्रख्यैः सूतपुत्रमविध्यत

nakulastu tato vidvaḥ sūtaputreṇa bhārata |
aśītyā''śīviṣaprakhyaiḥ sūtaputramavidhyata

तस्य कर्णो धनुश्छित्त्वा स्वर्णपुङ्खैः शिलाशितैः ।
त्रिंशता परमेष्वासः शरैः पाण्डवमर्दयत्

tasya karṇo dhanuśchittvā svarṇapuṅkhaiḥ śilāśitaiḥ |
triṃśatā parameṣvāsaḥ śaraiḥ pāṇḍavamardayat

ते तस्य कवचं भित्त्वा पपुः शोणितमाहवे ।
आशीविषा यथा नागा भित्त्वा गां सलिलं पपुः

te tasya kavacaṃ bhittvā papuḥ śoṇitamāhave |
āśīviṣā yathā nāgā bhittvā gāṃ salilaṃ papuḥ

अथान्यद्वनुरादाय हेमपृष्ठं दुरासदम् ।
कर्णं विव्याध सप्तत्या सारथिञ्च त्रिभिः शरैः

athānyadvanurādāya hemapṛṣṭhaṃ durāsadam |
karṇaṃ vivyādha saptatyā sārathiñca tribhiḥ śaraiḥ

ततः क्रुद्धो महाराज नकुलः परवीहा ।
क्षुरप्रेण सुतीक्ष्णेन कर्णस्य धनुराच्छिनत्

tataḥ kruddho mahārāja nakulaḥ paravīhā |
kṣurapreṇa sutīkṣṇena karṇasya dhanurācchinat

अथैनं छिन्नधन्वानं सायकानां शतैस्त्रिभिः ।
आजघ्ने प्रहसन्वीरः सर्वलोकमहारथम्

athainaṃ chinnadhanvānaṃ sāyakānāṃ śataistribhiḥ |
ājaghne prahasanvīraḥ sarvalokamahāratham

कर्णमभ्यर्दितं दृष्ट्वा पाण्डुपुत्रेण मारिष ।
विस्मयं परमं जग्मुर्ऋषयः सह दैवतैः

karṇamabhyarditaṃ dṛṣṭvā pāṇḍuputreṇa māriṣa |
vismayaṃ paramaṃ jagmurṛṣayaḥ saha daivataiḥ

अथान्यद्वनुरादाय कर्णो वैकर्तनस्तदा ।
नकुलं पञ्छभिर्बाणैर्जत्रुदेशे समार्पयत्

athānyadvanurādāya karṇo vaikartanastadā |
nakulaṃ pañchabhirbāṇairjatrudeśe samārpayat

उरस्थैरथ तैर्बाणैर्माद्रीपुत्रो व्यरोचत ।
स्वरश्मिभिरिवादित्यो भुवने विसृजन्प्रभाम्

urasthairatha tairbāṇairmādrīputro vyarocata |
svaraśmibhirivādityo bhuvane visṛjanprabhām

नकुलस्तु ततः कर्णं विद्व्वा सप्तभिराशुगैः ।
अथास्य धनुषः कोटिं पुनश्चिच्छेद मारिष

nakulastu tataḥ karṇaṃ vidvvā saptabhirāśugaiḥ |
athāsya dhanuṣaḥ koṭiṃ punaściccheda māriṣa

सोऽन्यत्कार्मुकमादाय समरे वेगवत्तरम् ।
नकुलस्य ततो बैणैः समन्ताच्छादयद्दिशः

so'nyatkārmukamādāya samare vegavattaram |
nakulasya tato baiṇaiḥ samantācchādayaddiśaḥ

सञ्छाद्यमानः सहसा कर्णचाप्युतैः सरैः ।
चिच्छेद स शरांस्तूर्णं शरैरेव महारथः

sañchādyamānaḥ sahasā karṇacāpyutaiḥ saraiḥ |
ciccheda sa śarāṃstūrṇaṃ śaraireva mahārathaḥ

ततो बाणमयं जालं विततं व्योम्न्यदृश्यत ।
खद्योतानामिव व्रातैः सम्पतद्भिर्यथा नभः

tato bāṇamayaṃ jālaṃ vitataṃ vyomnyadṛśyata |
khadyotānāmiva vrātaiḥ sampatadbhiryathā nabhaḥ

तैर्विमुक्तैः शरशतैश्छादितं गगनं तदा ।
शलभानां यथा व्रातैस्तद्वदासीद्विशाम्पते

tairvimuktaiḥ śaraśataiśchāditaṃ gaganaṃ tadā |
śalabhānāṃ yathā vrātaistadvadāsīdviśāmpate

ते शरा हेमविकृताः सम्पन्तौ मुहुर्मुहुः ।
श्रेणीकृता व्यकाशान्त क्रौञ्चाः श्रेणीकृता इव

te śarā hemavikṛtāḥ sampantau muhurmuhuḥ |
śreṇīkṛtā vyakāśānta krauñcāḥ śreṇīkṛtā iva

बाणजालवृते व्योम्नि च्छादिते च दिवाकरे ।
न स्म सम्पतते भूतं किञ्चिदप्यन्तरिक्षगम्

bāṇajālavṛte vyomni cchādite ca divākare |
na sma sampatate bhūtaṃ kiñcidapyantarikṣagam

निरुद्वे तत्र मार्गे च शरसङ्घैः समन्ततः ।
व्यरोचेतां महात्मानौ कालसूर्याविवोदितौ

nirudve tatra mārge ca śarasaṅghaiḥ samantataḥ |
vyarocetāṃ mahātmānau kālasūryāvivoditau

कर्णचापच्युतैर्बाणैर्वध्यमानास्तु सोमकाः ।
अवालीयन्त राजेन्द्र वेदनार्ता भूशार्दिताः

karṇacāpacyutairbāṇairvadhyamānāstu somakāḥ |
avālīyanta rājendra vedanārtā bhūśārditāḥ

नकुलस्य तथा बाणैर्हन्यमाना चमूस्तव ।
व्यशीर्यत दिशो राजन्वातनुन्ना इवाम्बुदाः

nakulasya tathā bāṇairhanyamānā camūstava |
vyaśīryata diśo rājanvātanunnā ivāmbudāḥ

ते सेने हन्यमाने तु ताभ्यां दिव्यैर्महाशरैः ।
शरपातमपाक्रम्य तस्थतुः प्रेक्षिके तदा

te sene hanyamāne tu tābhyāṃ divyairmahāśaraiḥ |
śarapātamapākramya tasthatuḥ prekṣike tadā

प्रोत्सारितजने तस्मिन्कर्णपाण्डवयोः शरैः ।
अविध्येतां महात्मानावन्योन्यं शरवृष्टिभिः

protsāritajane tasminkarṇapāṇḍavayoḥ śaraiḥ |
avidhyetāṃ mahātmānāvanyonyaṃ śaravṛṣṭibhiḥ

विदर्शयन्तौ दिव्यानि शस्त्राणि रणमूर्धनि ।
छादयन्तौ च सहसा परस्परवधैषिणौ

vidarśayantau divyāni śastrāṇi raṇamūrdhani |
chādayantau ca sahasā parasparavadhaiṣiṇau

नकुलेन शरा मुक्ता कङ्कबर्हिणवाससः ।
सूतपुत्रमवच्छाद्य व्यतिष्ठन्त यथाऽम्बरे

nakulena śarā muktā kaṅkabarhiṇavāsasaḥ |
sūtaputramavacchādya vyatiṣṭhanta yathā'mbare

तथैव सूतपुत्रेण प्रेषिताः परमाहवे ।
पाण्डुपुत्रमवच्छाद्य व्यतिष्ठन्ताम्बरे शराः

tathaiva sūtaputreṇa preṣitāḥ paramāhave |
pāṇḍuputramavacchādya vyatiṣṭhantāmbare śarāḥ

शरवेश्मप्रविष्टौ तौ ददृशाते न कैश्चन ।
सूर्याचन्द्रमसौ राजञ्छाद्यमानौ घनैरिव

śaraveśmapraviṣṭau tau dadṛśāte na kaiścana |
sūryācandramasau rājañchādyamānau ghanairiva

ततः क्रुद्धो रणे कर्णः कृत्वा घोरतरं वपुः ।
पाण्डवं छादयामास समन्ताच्छरवृष्टिभिः

tataḥ kruddho raṇe karṇaḥ kṛtvā ghorataraṃ vapuḥ |
pāṇḍavaṃ chādayāmāsa samantāccharavṛṣṭibhiḥ

सोऽतिच्छन्नो महाराज सूतपुत्रेण पाण्डवः ।
न चकार व्यथां राजन्भास्करो जलदैर्यथा

so'ticchanno mahārāja sūtaputreṇa pāṇḍavaḥ |
na cakāra vyathāṃ rājanbhāskaro jaladairyathā

ततः प्रहस्याधिरथिः शरजालानि मारिष ।
प्रेषयामास समरे शतशोऽथ सहस्रशः

tataḥ prahasyādhirathiḥ śarajālāni māriṣa |
preṣayāmāsa samare śataśo'tha sahasraśaḥ

एकच्छायमभूत्सर्वं तस्य बाणैर्महात्मनः ॥
अभ्रच्छायेव सञ्जज्ञे सम्पतद्भिः शरोत्तमैः

ekacchāyamabhūtsarvaṃ tasya bāṇairmahātmanaḥ ||
abhracchāyeva sañjajñe sampatadbhiḥ śarottamaiḥ

ततः कर्णो महाराज धनुश्छित्त्वा महात्मनः ।
सारथिं पातयामास रथनीडाद्वसन्निव

tataḥ karṇo mahārāja dhanuśchittvā mahātmanaḥ |
sārathiṃ pātayāmāsa rathanīḍādvasanniva

ततोऽश्वांश्छतुरश्चास्य चतुर्भिर्निशितैः शरैः ।
यमस्य भवनं तूर्णं प्रेषयामास भारत

tato'śvāṃśchaturaścāsya caturbhirniśitaiḥ śaraiḥ |
yamasya bhavanaṃ tūrṇaṃ preṣayāmāsa bhārata

अथास्य तं रथं दिव्यं तिलशो व्यधमच्छरैः ।
पताकां चक्ररक्षांश्च गदां खङ्गं च मारिष

athāsya taṃ rathaṃ divyaṃ tilaśo vyadhamaccharaiḥ |
patākāṃ cakrarakṣāṃśca gadāṃ khaṅgaṃ ca māriṣa

शतचन्द्रं च तच्चर्म सर्वापकरणानि च ।
सुवर्णविकृतं तच्च धनुः शरमाहवे

śatacandraṃ ca taccarma sarvāpakaraṇāni ca |
suvarṇavikṛtaṃ tacca dhanuḥ śaramāhave

हताश्वो विरथश्चैव विवर्मा च विशाम्पते ।
अवतीर्य रथात्तूर्णं परिघं गृह्य धिष्ठितः

hatāśvo virathaścaiva vivarmā ca viśāmpate |
avatīrya rathāttūrṇaṃ parighaṃ gṛhya dhiṣṭhitaḥ

तमुद्यतं महारघोरं परिघं तस्य सूतजः ।
व्यहनत्सायकै राजन्सुतीक्ष्णैर्भारसाधनैः

tamudyataṃ mahāraghoraṃ parighaṃ tasya sūtajaḥ |
vyahanatsāyakai rājansutīkṣṇairbhārasādhanaiḥ

व्यायुधं चैनमालक्ष्य शरैः सन्नतपर्वभिः ।
आर्पयद्बहुभिः कर्णो न चैनं समपीडयत्

vyāyudhaṃ cainamālakṣya śaraiḥ sannataparvabhiḥ |
ārpayadbahubhiḥ karṇo na cainaṃ samapīḍayat

स हन्यमानः समरे कृतास्त्रेण बलीयसा ।
प्राद्रवत्सहसा राजन्नकुलो व्याकुलेन्द्रियः

sa hanyamānaḥ samare kṛtāstreṇa balīyasā |
prādravatsahasā rājannakulo vyākulendriyaḥ

तमभिद्रुत्य राधेयः प्रहसन्वै पुनःपुनः ।
सज्यमस्य धनुः कण्ठे व्यवासृजत भारत

tamabhidrutya rādheyaḥ prahasanvai punaḥpunaḥ |
sajyamasya dhanuḥ kaṇṭhe vyavāsṛjata bhārata

ततः स शुशुभे राजन्कण्ठासक्तमहाधनुः ।
परिवेषमनुप्राप्तो यथा स्याद्व्योम्नि चन्द्रमाः

tataḥ sa śuśubhe rājankaṇṭhāsaktamahādhanuḥ |
pariveṣamanuprāpto yathā syādvyomni candramāḥ

यथैव चासितो मेघः शक्रचापेन शोभितः ।
अशोभत महाराज पाण्डुपुत्रस्तथा रणे

yathaiva cāsito meghaḥ śakracāpena śobhitaḥ |
aśobhata mahārāja pāṇḍuputrastathā raṇe

तमब्रवीत्ततः कर्णो व्यर्थं व्याहृतवानसि ।
वदेदानीं पुनर्हृष्टो वध्यमानः पुनःपुनः

tamabravīttataḥ karṇo vyarthaṃ vyāhṛtavānasi |
vadedānīṃ punarhṛṣṭo vadhyamānaḥ punaḥpunaḥ

मा योत्सीः कुरुभिः सार्धं बलवद्भिश्च पाण्डव ।
सदृशैस्तात युध्यस्व व्रीडां मा कुरु पाण्डव

mā yotsīḥ kurubhiḥ sārdhaṃ balavadbhiśca pāṇḍava |
sadṛśaistāta yudhyasva vrīḍāṃ mā kuru pāṇḍava

गृहं वा गच्छ माद्रेय यत्र वा कृष्णफल्गुनौ ।
एवमुक्त्वा महाराज विससर्ज स तं तदा

gṛhaṃ vā gaccha mādreya yatra vā kṛṣṇaphalgunau |
evamuktvā mahārāja visasarja sa taṃ tadā

वधप्राप्तं तु तं शूरो नाहनद्वर्मवित्तदा ।
स्मृत्वा कुन्त्या वचो राजंस्तत एनं व्यसर्जयत्

vadhaprāptaṃ tu taṃ śūro nāhanadvarmavittadā |
smṛtvā kuntyā vaco rājaṃstata enaṃ vyasarjayat

विसृष्टः पाण्डवो राजन्सूतपुत्रेण धन्विना ।
व्रीडन्निव जगामाथ युधिष्ठिररथं प्रति

visṛṣṭaḥ pāṇḍavo rājansūtaputreṇa dhanvinā |
vrīḍanniva jagāmātha yudhiṣṭhirarathaṃ prati

आरुरोह रथं चापि सूतपुत्रप्रतापितः ।
निःश्वसन्दुःखसन्तप्तः कुम्भक्षिप्त इवोरगः

āruroha rathaṃ cāpi sūtaputrapratāpitaḥ |
niḥśvasanduḥkhasantaptaḥ kumbhakṣipta ivoragaḥ

तं विजित्याथ कर्णोऽपि पाञ्चालांस्त्वरितो ययौ ।
रथेनातिपताकेन चन्द्रवर्णहयेन च

taṃ vijityātha karṇo'pi pāñcālāṃstvarito yayau |
rathenātipatākena candravarṇahayena ca

तत्राक्रन्दो महानासीत्पाण्डवानां विशाम्पते ।
दृष्ट्वा सेनापतिं यान्तं पाञ्चालानां रथव्रजान्

tatrākrando mahānāsītpāṇḍavānāṃ viśāmpate |
dṛṣṭvā senāpatiṃ yāntaṃ pāñcālānāṃ rathavrajān

तत्राकरोन्महाराज कदनं सूतनन्दनः ।
मध्यं प्राप्ते दिनकरे चक्रवद्विचरन्प्रभुः

tatrākaronmahārāja kadanaṃ sūtanandanaḥ |
madhyaṃ prāpte dinakare cakravadvicaranprabhuḥ

भग्नचक्रै रथैः कैश्चिच्छिन्नध्यवजपताकिभिः ।
हताश्वैर्हतसूतैश्च भग्नाक्षैश्चैव मारिष ।
हियमाणानपश्याम पाञ्चालानां रथव्रजान्

bhagnacakrai rathaiḥ kaiścicchinnadhyavajapatākibhiḥ |
hatāśvairhatasūtaiśca bhagnākṣaiścaiva māriṣa |
hiyamāṇānapaśyāma pāñcālānāṃ rathavrajān

तत्रतत्र च सम्भ्रान्ता विचेरुरथ कुञ्जराः ।
दावाग्न्यभिपरीताङ्गा यथैव स्युर्महावने

tatratatra ca sambhrāntā viceruratha kuñjarāḥ |
dāvāgnyabhiparītāṅgā yathaiva syurmahāvane

भिन्नकुम्भाः सरुधिराश्छिन्नहस्ताश्च वारणाः ।
छिन्नगात्रावराश्चैव च्छिन्नवालधयोऽपरे ।
छिन्नाभ्राणीव सम्पेतुर्हन्यमाना महात्मना

bhinnakumbhāḥ sarudhirāśchinnahastāśca vāraṇāḥ |
chinnagātrāvarāścaiva cchinnavāladhayo'pare |
chinnābhrāṇīva sampeturhanyamānā mahātmanā

अपरे त्रासिता नागा नाराचशरतोमरैः ।
तमेवाभिमुखं जग्मुः शलभा इव पावकम्

apare trāsitā nāgā nārācaśaratomaraiḥ |
tamevābhimukhaṃ jagmuḥ śalabhā iva pāvakam

अपरे निष्टनन्तश्च व्यदृश्यन्त महाद्विपाः ।
क्षरन्तः शोणितं गात्रैर्नगा इव जलस्रवाः

apare niṣṭanantaśca vyadṛśyanta mahādvipāḥ |
kṣarantaḥ śoṇitaṃ gātrairnagā iva jalasravāḥ

उरश्छदैर्वियुक्तांश्च वालबन्धैश्च वाजिनः ।
राजतैश्च तथा कांस्यैः सौवर्णैश्चैव भूषणैः

uraśchadairviyuktāṃśca vālabandhaiśca vājinaḥ |
rājataiśca tathā kāṃsyaiḥ sauvarṇaiścaiva bhūṣaṇaiḥ

हीनांश्चाभरणैश्चैव खलीनैश्च विवर्जितान् ।
चामरैश्च कुथाभिश्च तूणीरैः पतितैरपि

hīnāṃścābharaṇaiścaiva khalīnaiśca vivarjitān |
cāmaraiśca kuthābhiśca tūṇīraiḥ patitairapi

निहतैः सादिभिश्चैव शूरैराहवशोभितैः ।
अपश्याम रणे तत्र भ्राम्यमाणान्हयोत्तमान्

nihataiḥ sādibhiścaiva śūrairāhavaśobhitaiḥ |
apaśyāma raṇe tatra bhrāmyamāṇānhayottamān

प्रासैः खङ्गैश्च रहितानृष्टिभिश्चापि भारत ।
हयसादीनपश्याम कञ्चुकोष्णीषधारिणः

prāsaiḥ khaṅgaiśca rahitānṛṣṭibhiścāpi bhārata |
hayasādīnapaśyāma kañcukoṣṇīṣadhāriṇaḥ

निहतान्वध्यमानांश्च वेपमानांश्च भारत ।
नागाङ्गावयवैर्हीनांस्तत्रतत्रैव भारत

nihatānvadhyamānāṃśca vepamānāṃśca bhārata |
nāgāṅgāvayavairhīnāṃstatratatraiva bhārata

रथान्हेमपरिष्कारान्संयुक्ताञ्जवनैर्हयैः ।
भ्राम्यमाणानपश्याम हतेषु रथिषु द्रुतम्

rathānhemapariṣkārānsaṃyuktāñjavanairhayaiḥ |
bhrāmyamāṇānapaśyāma hateṣu rathiṣu drutam

भग्नाक्षकूबरान्कांश्चिद्भग्नचक्रांश्च भारत ।
विपताकध्वजांश्चान्याञ्छिन्नेषादण्डबन्धुरान्

bhagnākṣakūbarānkāṃścidbhagnacakrāṃśca bhārata |
vipatākadhvajāṃścānyāñchinneṣādaṇḍabandhurān

विहीनान्रथिनस्तत्र धावमानांस्ततस्ततः ।
सूतपुत्रशरैस्तीक्ष्णैर्हन्यमानान्विशाम्पते

vihīnānrathinastatra dhāvamānāṃstatastataḥ |
sūtaputraśaraistīkṣṇairhanyamānānviśāmpate

विशस्त्रांश्च तथैवान्यान्सशस्त्रांश्च हतान्बहून् ।
तारकाजालसञ्छन्नान्वरघण्टाविशोभितान्

viśastrāṃśca tathaivānyānsaśastrāṃśca hatānbahūn |
tārakājālasañchannānvaraghaṇṭāviśobhitān

नानावर्णविचित्राभिः पताकाभिरलङ्कृतान् ।
वारमआननुपश्याम धावमानान्समन्ततः

nānāvarṇavicitrābhiḥ patākābhiralaṅkṛtān |
vāramaānanupaśyāma dhāvamānānsamantataḥ

शिरांसि बाहूनूरूंश्च च्छिन्नानन्यांस्तथैव च ।
कर्णचापच्युतैर्बाणैरपश्याम समन्ततः

śirāṃsi bāhūnūrūṃśca cchinnānanyāṃstathaiva ca |
karṇacāpacyutairbāṇairapaśyāma samantataḥ

महान्व्यतिकरो रौद्रो योधानामन्वपद्यत ।
कर्णसायकनुन्नानां युध्यतां च शितैः शरैः

mahānvyatikaro raudro yodhānāmanvapadyata |
karṇasāyakanunnānāṃ yudhyatāṃ ca śitaiḥ śaraiḥ

ते वध्यमानाः समरे सूतपुत्रेण सृञ्जयाः ।
तमेवाभिमुखं यान्ति पतङ्गा इव पावकम्

te vadhyamānāḥ samare sūtaputreṇa sṛñjayāḥ |
tamevābhimukhaṃ yānti pataṅgā iva pāvakam

तं दहन्तमनीकानि तत्रतत्र महारथम् ।
क्षत्रिया वर्जयामासुर्युगान्ताग्निमिवोल्बणम्

taṃ dahantamanīkāni tatratatra mahāratham |
kṣatriyā varjayāmāsuryugāntāgnimivolbaṇam

हतशेषास्तु ये वीराः पाञ्चालानां महारथाः ।
तान्प्रभग्रान्दुतान्वीरः पृष्ठो विकिऱञ्छरैः ।
अभ्यधावत तेजस्वी विशीर्णवचनध्वजान्

hataśeṣāstu ye vīrāḥ pāñcālānāṃ mahārathāḥ |
tānprabhagrāndutānvīraḥ pṛṣṭho vikiṟañcharaiḥ |
abhyadhāvata tejasvī viśīrṇavacanadhvajān

तापयामास तान्बाणैः सूतपुत्रो महाबलः ।
मध्यन्दिनमनुप्राप्तो भूतानीव तमोनुदः

tāpayāmāsa tānbāṇaiḥ sūtaputro mahābalaḥ |
madhyandinamanuprāpto bhūtānīva tamonudaḥ