Anushasana Parva

Chapter 13: The Vedas speak on guests and anger

इति श्रीमन्महाभारते अनुशासनपर्वणि दानधर्मपर्वणि त्रयोदशोऽध्यायः ॥

5 verses · 13 of 274

What happens in this chapter

The Vedas speak on guests and anger

A very short adhyaya. Bhishma relates a dialogue of the Vedas, though in our text only three of the four speak. The Rigveda says that a guest turned away at evening carries off all the merit of the householder who keeps the agnihotra, and that food offered into a brahmana's mouth is better than the agnihotra itself: it never spills, never falters, and raises no smoke. The Samaveda says that a guest who leaves pleased destroys whatever sin his host has committed, unless the host has killed father, mother or a brahmana, or spoken slander. The Atharvaveda speaks against anger: whatever a wrathful man sacrifices, gives, offers in fire or endures as tapas, Yama, son of Vivasvan, takes away entire, and all his effort is in vain.

भीष्म उवाच

13.1

अत्राप्युदाहरन्तीममितिहासं पुरातनम् ।
चतुर्णामपि वेदानां संवादं शृणु पुत्रक

atrāpyudāharantīmamitihāsaṃ purātanam |
caturṇāmapi vedānāṃ saṃvādaṃ śṛṇu putraka

ऋग्वेद उवाच

13.2

गृहानाश्रयमाणस्य अग्निहोत्रं च जुह्वतः ।
सर्वं सुकृतमादत्ते यः साये नुद्यतेऽतिथिः

gṛhānāśrayamāṇasya agnihotraṃ ca juhvataḥ |
sarvaṃ sukṛtamādatte yaḥ sāye nudyate'tithiḥ

13.3

न स्कन्दते न व्यथते नास्योर्ध्वं सर्पते रजः ।
वरिष्ठमग्निहोत्राच्च ब्राह्मणस्य मुखे हुतम्

na skandate na vyathate nāsyordhvaṃ sarpate rajaḥ |
variṣṭhamagnihotrācca brāhmaṇasya mukhe hutam

सामवेद उवाच

13.4

न चेद्धन्ति पितरं मातरं वा
न ब्राह्मणं नापवादं करोति ।
यत्किंचिदन्यद्वृजिनं करोति ।
प्रीतोऽतिथिस्तदुपहन्ति पापम्

na ceddhanti pitaraṃ mātaraṃ vā
na brāhmaṇaṃ nāpavādaṃ karoti |
yatkiṃcidanyadvṛjinaṃ karoti |
prīto'tithistadupahanti pāpam

अथर्ववेद उवाच

13.5

यत्क्रोधनो यजते यद्ददाति
यद्वा तपस्तप्यति यज्जुहोति ।
वैवस्वतो हरते सर्वमस्य
मोघं चेष्टं भवति क्रोधनस्य

yatkrodhano yajate yaddadāti
yadvā tapastapyati yajjuhoti |
vaivasvato harate sarvamasya
moghaṃ ceṣṭaṃ bhavati krodhanasya

Text source: Wikisource · CC BY-SA 4.0 (Wikisource transcription of a public-domain text)