सूक्त 158: दृष्टि के लिए सूर्य से प्रार्थना

सूर्यो॑ नो दि॒वस्पा॑तु॒ वातो॑ अ॒न्तरि॑क्षात् ।
अ॒ग्निर्न॒ः पार्थि॑वेभ्यः

sūryo no divaspātu vāto antarikṣāt |
agnirnaḥ pārthivebhyaḥ

जोषा॑ सवित॒र्यस्य॑ ते॒ हर॑ः श॒तं स॒वाँ अर्ह॑ति ।
पा॒हि नो॑ दि॒द्युत॒ः पत॑न्त्याः

joṣā savitaryasya te haraḥ śataṃ savām̐ arhati |
pāhi no didyutaḥ patantyāḥ

चक्षु॑र्नो दे॒वः स॑वि॒ता चक्षु॑र्न उ॒त पर्व॑तः ।
चक्षु॑र्धा॒ता द॑धातु नः

cakṣurno devaḥ savitā cakṣurna uta parvataḥ |
cakṣurdhātā dadhātu naḥ

चक्षु॑र्नो धेहि॒ चक्षु॑षे॒ चक्षु॑र्वि॒ख्यै त॒नूभ्य॑ः ।
सं चे॒दं वि च॑ पश्येम

cakṣurno dhehi cakṣuṣe cakṣurvikhyai tanūbhyaḥ |
saṃ cedaṃ vi ca paśyema

सु॒सं॒दृशं॑ त्वा व॒यं प्रति॑ पश्येम सूर्य ।
वि प॑श्येम नृ॒चक्ष॑सः

susaṃdṛśaṃ tvā vayaṃ prati paśyema sūrya |
vi paśyema nṛcakṣasaḥ