अध्याय 1: राजा सुरथ, वैश्य समाधि और मधु-कैटभ

सावर्णिः सूर्यतनयो यो मनुः कथ्यतेऽष्टमः ।
निशामय तदुत्पत्तिं विस्तराद् गदतो मम

sāvarṇiḥ sūryatanayo yo manuḥ kathyate'ṣṭamaḥ |
niśāmaya tadutpattiṃ vistarād gadato mama

मार्कण्डेय जी बोले: सूर्यपुत्र सावर्णि आठवें मनु कहे जाते हैं। उनकी उत्पत्ति की कथा मैं विस्तार से कहता हूँ, ध्यान से सुनो।

महामायानुभावेन यथा मन्वन्तराधिपः ।
स बभूव महाभागः सावर्णिस्तनयो रवेः

mahāmāyānubhāvena yathā manvantarādhipaḥ |
sa babhūva mahābhāgaḥ sāvarṇistanayo raveḥ

सुनो कि महामाया के प्रभाव से वे महाभाग सूर्यपुत्र सावर्णि किस प्रकार एक मन्वन्तर के अधिपति बने।

स्वारोचिषेऽन्तरे पूर्वं चैत्रवंशसमुद्भवः ।
सुरथो नाम राजाभूत् समस्ते क्षितिमण्डले

svārociṣe'ntare pūrvaṃ caitravaṃśasamudbhavaḥ |
suratho nāma rājābhūt samaste kṣitimaṇḍale

पूर्वकाल में स्वारोचिष मन्वन्तर में चैत्र वंश में उत्पन्न सुरथ नाम के एक राजा थे, जिनका राज्य समस्त भूमण्डल पर था।

तस्य पालयतः सम्यक् प्रजाः पुत्रानिवौरसान् ।
बभूवुः शत्रवो भूपाः कोलाविध्वंसिनस्तथा

tasya pālayataḥ samyak prajāḥ putrānivaurasān |
babhūvuḥ śatravo bhūpāḥ kolāvidhvaṃsinastathā

वे अपनी प्रजा का पालन अपने औरस पुत्रों की भाँति भली प्रकार करते थे। फिर भी कोलाविध्वंसी कहलाने वाले राजा उनके शत्रु बन गए।

तस्य तैरभवद् युद्धमतिप्रबलदण्डिनः ।
न्यूनैरपि स तैर्युद्धे कोलाविध्वंसिभिर्जितः

tasya tairabhavad yuddhamatiprabaladaṇḍinaḥ |
nyūnairapi sa tairyuddhe kolāvidhvaṃsibhirjitaḥ

प्रबल दण्ड धारण करने वाले उस राजा का उनसे युद्ध हुआ। वे कोलाविध्वंसी संख्या में कम होते हुए भी युद्ध में उन्हें जीत गए।

ततः स्वपुरमायातो निजदेशाधिपोऽभवत् ।
आक्रान्तः स महाभागस्तैस्तदा प्रबलारिभिः

tataḥ svapuramāyāto nijadeśādhipo'bhavat |
ākrāntaḥ sa mahābhāgastaistadā prabalāribhiḥ

तब वे अपने नगर लौट आए और केवल अपने देश के राजा रह गए। वहाँ भी उन प्रबल शत्रुओं ने उस महाभाग राजा पर आक्रमण किया।

अमात्यैर्बलिभिर्दुष्टैर्दुर्बलस्य दुरात्मभिः ।
कोषो बलञ्चापहृतं तत्रापि स्वपुरे ततः

amātyairbalibhirduṣṭairdurbalasya durātmabhiḥ |
koṣo balañcāpahṛtaṃ tatrāpi svapure tataḥ

राजा को निर्बल देखकर उसके अपने ही बलवान, दुष्ट और दुरात्मा मंत्रियों ने उसी नगर में उसका कोष और सेना छीन ली।

ततो मृगयाव्याजेन हृतस्वाम्यः स भूपतिः ।
एकाकी हयमारुह्य जगाम गहनं वनम्

tato mṛgayāvyājena hṛtasvāmyaḥ sa bhūpatiḥ |
ekākī hayamāruhya jagāma gahanaṃ vanam

इस प्रकार राज्याधिकार छिन जाने पर वह राजा शिकार के बहाने अकेला घोड़े पर सवार होकर घने वन में चला गया।

स तत्राश्रममद्राक्षीद् द्विजवर्यस्य मेधसः ।
प्रशान्तश्वापदाकीर्णं मुनिश्ष्योपशोभितम्

sa tatrāśramamadrākṣīd dvijavaryasya medhasaḥ |
praśāntaśvāpadākīrṇaṃ muniśṣyopaśobhitam

वहाँ उसने द्विजश्रेष्ठ मेधा मुनि का आश्रम देखा। वहाँ हिंसक पशु भी शान्त भाव से रहते थे, और मुनि के शिष्यों से वह आश्रम सुशोभित था।

तस्थौ कञ्चित् स कालञ्च मुनिना तेन सत्कृतः ।
इतश्चैतश्च विचरंस्तस्मिन् मुनिवराश्रमे

tasthau kañcit sa kālañca muninā tena satkṛtaḥ |
itaścaitaśca vicaraṃstasmin munivarāśrame

मुनि ने उसका आदर-सत्कार किया, और वह कुछ समय तक उस श्रेष्ठ मुनि के आश्रम में इधर-उधर विचरता हुआ रहा।

सोऽचिन्तयत् तदा तत्र ममत्वाकृष्टचेतनः ।
मत्पूर्वैः पालितं पूर्वं मया हीनं पुरं हि तत् ।
मद्भृत्यैस्तैरसद्वृत्तैर्धर्मतः पाल्यते न वा

so'cintayat tadā tatra mamatvākṛṣṭacetanaḥ |
matpūrvaiḥ pālitaṃ pūrvaṃ mayā hīnaṃ puraṃ hi tat |
madbhṛtyaistairasadvṛttairdharmataḥ pālyate na vā

वहाँ ममता से खिंचे मन वाला राजा सोचने लगा: जिस नगर का पालन मेरे पूर्वजों ने किया और जो अब मुझसे छिन गया, उसका मेरे वे दुराचारी सेवक धर्म से पालन करते हैं या नहीं?

न जाने स प्रधानो मे शूरहस्ती सदामदः ।
मम वैरिवशं यातः कान् भोगानुपलप्स्यते

na jāne sa pradhāno me śūrahastī sadāmadaḥ |
mama vairivaśaṃ yātaḥ kān bhogānupalapsyate

मुझे नहीं पता कि मेरा वह प्रधान, शूरवीर और सदा मद से भरा हाथी शत्रुओं के वश में जाकर अब कैसा भोजन पाता होगा।

ये ममानुगता नित्यं प्रसादधनभोजनैः ।
अनुवृत्तिं ध्रुवं तेऽद्य कुर्वन्त्यन्यमहीभृताम्

ye mamānugatā nityaṃ prasādadhanabhojanaiḥ |
anuvṛttiṃ dhruvaṃ te'dya kurvantyanyamahībhṛtām

जो लोग मेरी कृपा, धन और भोजन पाकर सदा मेरे पीछे चलते थे, वे आज निश्चय ही दूसरे राजाओं की सेवा कर रहे होंगे।

असम्यग्व्ययशीलैस्तैः कुर्वद्भिः सततं व्ययम् ।
संचितः सोऽतिदुः खेन क्षयं कोशो गमिष्यति

asamyagvyayaśīlaistaiḥ kurvadbhiḥ satataṃ vyayam |
saṃcitaḥ so'tiduḥ khena kṣayaṃ kośo gamiṣyati

जिस कोष को मैंने बड़े कष्ट से संचित किया था, वह उन अनुचित खर्च करने वाले लोगों के निरन्तर व्यय से नष्ट हो जाएगा।

एतच्चान्यच्च सततं चिन्तयामास पार्थिवः ।
तत्र विप्राश्रमाभ्यासे वैश्यमेकं ददर्श सः

etaccānyacca satataṃ cintayāmāsa pārthivaḥ |
tatra viprāśramābhyāse vaiśyamekaṃ dadarśa saḥ

राजा निरन्तर यही और ऐसी ही बातें सोचता रहा। तभी उसने उस ब्राह्मण के आश्रम के पास एक वैश्य को देखा।

स पृष्टस्तेन कस्त्वं भोः हेतुश्चागमनेऽत्र कः ।
सशोक इव कस्मात्त्वं दुर्मना इव लक्ष्यसे

sa pṛṣṭastena kastvaṃ bhoḥ hetuścāgamane'tra kaḥ |
saśoka iva kasmāttvaṃ durmanā iva lakṣyase

राजा ने उससे पूछा: भाई, तुम कौन हो और यहाँ किस कारण आए हो? तुम शोकाकुल और उदास से क्यों दिखाई देते हो?

इत्याकर्ण्य वचस्तस्य भूपतेः प्रणयोदितम् ।
प्रत्युवाच स तं वैश्यः प्रश्रयावनतो नृपम्

ityākarṇya vacastasya bhūpateḥ praṇayoditam |
pratyuvāca sa taṃ vaiśyaḥ praśrayāvanato nṛpam

राजा के प्रेमपूर्वक कहे गए ये वचन सुनकर वह वैश्य विनय से झुककर राजा को उत्तर देने लगा।

समाधिर्नाम वैश्योऽहमुत्पन्नो धनिनां कुले ।
पुत्रदारैर्निरस्तश्च धनलोभादसाधुभिः

samādhirnāma vaiśyo'hamutpanno dhanināṃ kule |
putradārairnirastaśca dhanalobhādasādhubhiḥ

वैश्य बोला: मेरा नाम समाधि है, मैं धनी कुल में जन्मा वैश्य हूँ। धन के लोभी मेरे दुष्ट पुत्रों और पत्नी ने मुझे घर से निकाल दिया है।

विहीनश्च धनैर्दारैः पुत्रैरादाय मे धनम् ।
वनमभ्यागतो दुः खी निरस्तश्चाप्तबन्धुभैः

vihīnaśca dhanairdāraiḥ putrairādāya me dhanam |
vanamabhyāgato duḥ khī nirastaścāptabandhubhaiḥ

पुत्रों और पत्नी ने मेरा धन छीन लिया, और मैं धन से भी हीन हो गया। विश्वस्त बन्धुओं द्वारा त्यागा गया मैं दुखी होकर वन में आया हूँ।

सोऽहं न वेद्मि पुत्राणां कुशलाकुशलात्मिकाम् ।
प्रवृत्तिं स्वजनानाञ्च दाराणाञ्चात्र संस्थितः

so'haṃ na vedmi putrāṇāṃ kuśalākuśalātmikām |
pravṛttiṃ svajanānāñca dārāṇāñcātra saṃsthitaḥ

यहाँ रहते हुए मुझे अपने पुत्रों, स्वजनों और पत्नी का कुछ भी समाचार नहीं मिलता कि वे कुशल से हैं या नहीं।

किं नु तेषां गृहे क्षेममक्षेमं किं नु साम्प्रतम् ।
कथं ते किं नु सद्वृत्ताः दुर्वृत्ताः किं नु मे सुताः

kiṃ nu teṣāṃ gṛhe kṣemamakṣemaṃ kiṃ nu sāmpratam |
kathaṃ te kiṃ nu sadvṛttāḥ durvṛttāḥ kiṃ nu me sutāḥ

इस समय उनके घर में कुशल है या अकुशल? वे कैसे हैं? मेरे पुत्र सदाचारी हैं या दुराचारी हो गए हैं?

राजोवाच
यैर्निरस्तो भवांल्लुब्धैः पुत्रदारादिभिर्धनैः ।
तेषु किं भवतः स्नेहमनुबध्नाति मानसम्

rājovāca
yairnirasto bhavāṃllubdhaiḥ putradārādibhirdhanaiḥ |
teṣu kiṃ bhavataḥ snehamanubadhnāti mānasam

राजा बोला: जिन लोभी पुत्र, पत्नी आदि ने धन के कारण तुम्हें निकाल दिया, उन्हीं के प्रति तुम्हारा मन स्नेह में क्यों बँधा है?

एवमेतद्यथा प्राह भवानस्मद्गतं वचः ।
किं करोमि न बध्नाति मम निष्ठुरतां मनः

evametadyathā prāha bhavānasmadgataṃ vacaḥ |
kiṃ karomi na badhnāti mama niṣṭhuratāṃ manaḥ

वैश्य बोला: आपने मेरे विषय में जो कहा, वह ठीक वैसा ही है। पर मैं क्या करूँ, मेरा मन उनके प्रति कठोर नहीं होता।

यैः सन्त्यज्य पितृस्नेहं धनलुब्धैर्निराकृतः ।
पतिस्वजनहार्दं च हार्दि तेष्वेव मे मनः

yaiḥ santyajya pitṛsnehaṃ dhanalubdhairnirākṛtaḥ |
patisvajanahārdaṃ ca hārdi teṣveva me manaḥ

धन के लोभ में जिन्होंने पिता का स्नेह त्याग कर मुझे निकाल दिया, उन्हीं पर पति और स्वजन के प्रेम से मेरा मन लगा रहता है।

किमेतन्नाभिजानामि जानन्नपि महामते ।
यत्प्रेमप्रवणं चित्तं विगुणेष्वपि बन्धुषु

kimetannābhijānāmi jānannapi mahāmate |
yatpremapravaṇaṃ cittaṃ viguṇeṣvapi bandhuṣu

हे महामति, मैं जानते हुए भी नहीं समझ पाता कि गुणहीन बन्धुओं के प्रति भी मेरा चित्त प्रेम से क्यों झुका रहता है।

तेषां कृते मे निः श्वासो दौर्मनस्यं च जायते ।
करोमि किं यन्न मनस्तेष्वप्रीतिषु निष्ठुरम्

teṣāṃ kṛte me niḥ śvāso daurmanasyaṃ ca jāyate |
karomi kiṃ yanna manasteṣvaprītiṣu niṣṭhuram

उनके लिए मैं लम्बी साँसें लेता हूँ और मन उदास हो जाता है। मैं क्या करूँ, जो मन उन प्रेमहीनों के प्रति कठोर नहीं होता।

ततस्तौ सहितौ विप्र तं मुनिं समुपस्थितौ ।
समाधिर्नाम वैश्योऽसौ स च पार्थिवसत्तमः

tatastau sahitau vipra taṃ muniṃ samupasthitau |
samādhirnāma vaiśyo'sau sa ca pārthivasattamaḥ

मार्कण्डेय जी बोले: हे विप्र, तब वह समाधि नामक वैश्य और वह श्रेष्ठ राजा, दोनों साथ मिलकर उन मुनि के पास गए।

कृत्वा तु तौ यथान्यायं यथार्हं तेन संविदम् ।
उपविष्टौ कथाः काश्चिच्चक्रतुर्वैश्य-पार्थिवौ

kṛtvā tu tau yathānyāyaṃ yathārhaṃ tena saṃvidam |
upaviṣṭau kathāḥ kāściccakraturvaiśya-pārthivau

उनसे यथोचित रीति से शिष्टाचार करके वैश्य और राजा बैठ गए और कुछ बातें करने लगे।

राजौवाच
भगवंस्त्वामहं प्रष्टुमिच्छाम्येकं वदस्व तत् ।
दुः खाय यन्मे मनसः स्वचित्तायत्ततां विना

rājauvāca
bhagavaṃstvāmahaṃ praṣṭumicchāmyekaṃ vadasva tat |
duḥ khāya yanme manasaḥ svacittāyattatāṃ vinā

राजा बोला: भगवन्, मैं आपसे एक बात पूछना चाहता हूँ, कृपया बताइए। वह मेरे मन को दुख देती है, क्योंकि मेरा मन मेरे वश में नहीं है।

ममत्वं गतराज्यस्य राज्याङ्गेष्वखिलेष्वपि ।
जानतोऽपि यथाज्ञस्य किमेतन्मुनिसत्तम

mamatvaṃ gatarājyasya rājyāṅgeṣvakhileṣvapi |
jānato'pi yathājñasya kimetanmunisattama

राज्य छिन जाने पर भी राज्य के सब अंगों में मेरी ममता बनी है। जानते हुए भी मैं अज्ञानी जैसा हूँ। हे मुनिश्रेष्ठ, यह क्या है?

अयं च निकृतः पुत्रैर्दारैर्भृत्यैस्तथोज्झितः ।
स्वजनेन च सन्त्यक्तस्तेषु हार्दे तथाप्यति

ayaṃ ca nikṛtaḥ putrairdārairbhṛtyaistathojjhitaḥ |
svajanena ca santyaktasteṣu hārde tathāpyati

और यह वैश्य पुत्रों द्वारा अपमानित, पत्नी और सेवकों द्वारा त्यागा गया तथा स्वजनों से छोड़ा गया है, फिर भी इसका उनमें अत्यन्त स्नेह है।

एवमेष तथाहं च द्वावप्यत्यन्तदुः खितौ ।
दृष्टदोषेऽपि विषये ममत्वाकृष्टमानसौ

evameṣa tathāhaṃ ca dvāvapyatyantaduḥ khitau |
dṛṣṭadoṣe'pi viṣaye mamatvākṛṣṭamānasau

इस प्रकार यह और मैं, दोनों अत्यन्त दुखी हैं। विषयों का दोष देख लेने पर भी हमारे मन ममता से उन्हीं की ओर खिंचते हैं।

तत्किमेतन्महाभाग यन्मोहो ज्ञानिनोरपि ।
ममास्य च भवत्येषा विवेकान्धस्य मूढता

tatkimetanmahābhāga yanmoho jñāninorapi |
mamāsya ca bhavatyeṣā vivekāndhasya mūḍhatā

हे महाभाग, यह क्या है कि ज्ञानी होते हुए भी हमें मोह होता है? मुझमें और इसमें यह विवेक से अन्धी मूढ़ता क्यों है?

ज्ञानमस्ति समस्तस्य जन्तोर्विषयगोचरे ।
विषयश्च महाभाग याति चैवं पृथक्-पृथक्

jñānamasti samastasya jantorviṣayagocare |
viṣayaśca mahābhāga yāti caivaṃ pṛthak-pṛthak

ऋषि बोले: इन्द्रियों के विषयों का ज्ञान हर प्राणी को होता है। पर हे महाभाग, विषय अलग-अलग प्राणियों के सामने अलग-अलग रूप में आते हैं।

दिवान्धाः प्राणिनः केचिद् रात्रावन्धास्तथापरे ।
केचिद् दिवा तथा रात्रौ प्राणिनस्तुल्यदृष्टयः

divāndhāḥ prāṇinaḥ kecid rātrāvandhāstathāpare |
kecid divā tathā rātrau prāṇinastulyadṛṣṭayaḥ

कुछ प्राणी दिन में अन्धे होते हैं, कुछ रात में, और कुछ प्राणी दिन और रात दोनों में समान देखते हैं।

ज्ञानिनो मनुजाः सत्यं किन्तु ते न हि केवलम् ।
यतो हि ज्ञानिनः सर्वे पशु-पक्षि-मृगादयः

jñānino manujāḥ satyaṃ kintu te na hi kevalam |
yato hi jñāninaḥ sarve paśu-pakṣi-mṛgādayaḥ

मनुष्य ज्ञानी हैं, यह सच है, पर केवल वे ही नहीं। पशु, पक्षी, मृग आदि सब प्राणी भी ज्ञानी हैं।

ज्ञानं च तन्मनुष्याणां यत् तेषां मृगृपक्षिणाम् ।
मनुष्याणां च यत्तेषां तुल्यमन्यत् तथोभयोः

jñānaṃ ca tanmanuṣyāṇāṃ yat teṣāṃ mṛgṛpakṣiṇām |
manuṣyāṇāṃ ca yatteṣāṃ tulyamanyat tathobhayoḥ

जो ज्ञान मनुष्यों का है, वही मृगों और पक्षियों का भी है, और जो उनका है, वही मनुष्यों का। अन्य बातों में भी दोनों समान हैं।

ज्ञानेऽपि सति पश्यैतान् पतङ्गाञ्छावचञ्चुषु ।
कणमोक्षादृतान् मोहात्पीड्यमानानपि क्षुधा

jñāne'pi sati paśyaitān pataṅgāñchāvacañcuṣu |
kaṇamokṣādṛtān mohātpīḍyamānānapi kṣudhā

देखो, ज्ञान होते हुए भी ये पक्षी मोहवश स्वयं भूख से पीड़ित रहकर भी अपने बच्चों की चोंच में दाना डालते हैं।

मानुषा मनुजव्याघ्र साभिलाषाः सुतान् प्रति ।
लोभात् प्रत्युपकाराय नन्वेतान् किं न पश्यसि

mānuṣā manujavyāghra sābhilāṣāḥ sutān prati |
lobhāt pratyupakārāya nanvetān kiṃ na paśyasi

हे नरश्रेष्ठ, क्या तुम नहीं देखते कि मनुष्य बदले में उपकार पाने के लोभ से पुत्रों की अभिलाषा करते हैं?

तथापि ममतावर्ते मोहगर्ते निपातिताः ।
महामायाप्रभावेण संसारस्थितिकारिणा

tathāpi mamatāvarte mohagarte nipātitāḥ |
mahāmāyāprabhāveṇa saṃsārasthitikāriṇā

फिर भी संसार की स्थिति बनाए रखने वाली महामाया के प्रभाव से वे ममता के भँवर और मोह के गड्ढे में गिरा दिए जाते हैं।

तन्नात्र विस्मयः कार्यो योगनिद्रा जगत्पतेः ।
महामाया हरेश्चैतत् तथा संमोह्यते जगत्

tannātra vismayaḥ kāryo yoganidrā jagatpateḥ |
mahāmāyā hareścaitat tathā saṃmohyate jagat

इसमें आश्चर्य नहीं करना चाहिए। जगत्पति श्रीहरि की योगनिद्रा वही महामाया हैं, और उन्हीं से यह जगत मोहित होता है।

ज्ञानिनामपि चेतांसि देवी भगवती हि सा ।
बलादाकृष्य मोहाय महामाया प्रयच्छति

jñānināmapi cetāṃsi devī bhagavatī hi sā |
balādākṛṣya mohāya mahāmāyā prayacchati

वे भगवती महामाया देवी ज्ञानियों के चित्त को भी बलपूर्वक खींचकर मोह में डाल देती हैं।

तया विसृज्यते विश्वं जगदेतच्चराचरम् ।
सैषा प्रसन्ना वरदा नृणां भवति मुक्तये

tayā visṛjyate viśvaṃ jagadetaccarācaram |
saiṣā prasannā varadā nṛṇāṃ bhavati muktaye

वही इस समस्त चराचर जगत की सृष्टि करती हैं। वही प्रसन्न होने पर वर देने वाली बनकर मनुष्यों की मुक्ति का कारण होती हैं।

सा विद्या परमा मुक्तेर्हेतुभूता सनातनी ।
संसारबन्धहेतुश्च सैव सर्वेश्वरेश्वरी

sā vidyā paramā mukterhetubhūtā sanātanī |
saṃsārabandhahetuśca saiva sarveśvareśvarī

वे परम विद्या हैं, मुक्ति की हेतु और सनातनी। वही संसार-बन्धन का कारण भी हैं, और वही सब ईश्वरों की भी ईश्वरी हैं।

राजोवाच
भगवन् ! का हि सा देवी महामायेति यां भवान् ।
ब्रवीति कथमुत्पन्ना सा कर्मास्याश्च किं द्विज

rājovāca
bhagavan ! kā hi sā devī mahāmāyeti yāṃ bhavān |
bravīti kathamutpannā sā karmāsyāśca kiṃ dvija

राजा बोला: भगवन्, जिन्हें आप महामाया कहते हैं, वे देवी कौन हैं? हे द्विज, वे कैसे प्रकट हुईं और उनके कर्म क्या हैं?

यत्स्वभावा च सा देवी यत्स्वरूपा यदुद्भवा ।
तत् सर्वं श्रोतुमिच्छामि त्वत्तो ब्रह्मविदां वर

yatsvabhāvā ca sā devī yatsvarūpā yadudbhavā |
tat sarvaṃ śrotumicchāmi tvatto brahmavidāṃ vara

हे ब्रह्मज्ञानियों में श्रेष्ठ, उन देवी का स्वभाव, स्वरूप और उद्भव, यह सब मैं आपसे सुनना चाहता हूँ।

नित्यैव सा जगन्मूर्तिस्तया सर्वमिदं ततम् ।
तथापि तत्समुत्पत्तिर्बहुधा श्रुयतां मम

nityaiva sā jaganmūrtistayā sarvamidaṃ tatam |
tathāpi tatsamutpattirbahudhā śruyatāṃ mama

ऋषि बोले: वे नित्य हैं, जगत उन्हीं की मूर्ति है और यह सब उन्हीं से व्याप्त है। फिर भी उनका प्राकट्य अनेक प्रकार से होता है, मुझसे सुनो।

देवानां कार्यसिद्ध्यर्थमाविर्भवति सा यदा ।
उत्पन्नेति तदा लोके सा नित्याप्यभिधीयते

devānāṃ kāryasiddhyarthamāvirbhavati sā yadā |
utpanneti tadā loke sā nityāpyabhidhīyate

जब वे देवताओं का कार्य सिद्ध करने के लिए प्रकट होती हैं, तब नित्य होते हुए भी संसार में उन्हें उत्पन्न हुई कहा जाता है।

योगनिद्रां यदा विष्णुर्जगत्येकार्णवीकृते ।
आस्तीर्य शेषमभजत् कल्पान्ते भगवान् प्रभुः

yoganidrāṃ yadā viṣṇurjagatyekārṇavīkṛte |
āstīrya śeṣamabhajat kalpānte bhagavān prabhuḥ

कल्प के अन्त में जब सारा जगत एक महासागर बन गया था, तब प्रभु भगवान विष्णु शेषनाग की शय्या बिछाकर योगनिद्रा में लीन हो गए।

तदा द्वावसुरौ घोरौ विख्यातौ मधुकैटभौ ।
विष्णुकर्णमलोद्भूतौ हन्तुं ब्रह्माणमुद्यतौ

tadā dvāvasurau ghorau vikhyātau madhukaiṭabhau |
viṣṇukarṇamalodbhūtau hantuṃ brahmāṇamudyatau

तब विष्णु के कानों के मैल से उत्पन्न मधु और कैटभ नाम के दो विख्यात और भयंकर असुर ब्रह्मा को मारने को उद्यत हुए।

स नाभिकमले विष्णोः स्थितो ब्रह्मा प्रजापतिः ।
दृष्ट्वा तावसुरौ चोग्रौ प्रसुप्तं च जनार्दनम्

sa nābhikamale viṣṇoḥ sthito brahmā prajāpatiḥ |
dṛṣṭvā tāvasurau cograu prasuptaṃ ca janārdanam

विष्णु के नाभिकमल पर बैठे प्रजापति ब्रह्मा ने उन दोनों उग्र असुरों को और गहरी नींद में सोए जनार्दन को देखा।

तुष्टाव योगनिद्रां तामेकाग्रहृदयस्थितः ।
विबोधनार्थाय हरेर्हरिनेत्रकृतालयाम्

tuṣṭāva yoganidrāṃ tāmekāgrahṛdayasthitaḥ |
vibodhanārthāya harerharinetrakṛtālayām

तब एकाग्र मन से उन्होंने श्रीहरि को जगाने के लिए हरि के नेत्रों में निवास करने वाली उन योगनिद्रा की स्तुति की।

ब्रह्मोवाच
विश्वेश्वरीं जगद्धात्रीं स्थिति-संहारकारिणीम् ।
निद्रां भगवतीं विष्णोरतुलां तेजसः प्रभुः

brahmovāca
viśveśvarīṃ jagaddhātrīṃ sthiti-saṃhārakāriṇīm |
nidrāṃ bhagavatīṃ viṣṇoratulāṃ tejasaḥ prabhuḥ

ब्रह्मा जी बोले: तेजस्वी प्रभु ब्रह्मा ने विश्व की ईश्वरी, जगत को धारण करने वाली, पालन और संहार करने वाली, विष्णु की अनुपम निद्रा भगवती की स्तुति की।

त्वं स्वाहा त्वं स्वधा त्वं हि वषट्कारः स्वरात्मिका ।
सुधा त्वमक्षरे नित्ये त्रिधा मात्रात्मिका स्थिता

tvaṃ svāhā tvaṃ svadhā tvaṃ hi vaṣaṭkāraḥ svarātmikā |
sudhā tvamakṣare nitye tridhā mātrātmikā sthitā

तुम्हीं स्वाहा, तुम्हीं स्वधा और तुम्हीं वषट्कार हो, स्वर तुम्हारा ही स्वरूप है। तुम्हीं अमृत हो, और नित्य अक्षर ॐ में तीन मात्राओं के रूप में स्थित हो।

अर्धमात्रा स्थिता नित्या यानुच्चार्या विशेषतः ।
त्वमेव सन्ध्या सावित्री त्वं देवि जननी परा

ardhamātrā sthitā nityā yānuccāryā viśeṣataḥ |
tvameva sandhyā sāvitrī tvaṃ devi jananī parā

और जो विशेष रूप से उच्चारण नहीं की जा सकती, वह नित्य अर्धमात्रा भी तुम्हीं हो। तुम्हीं सन्ध्या और सावित्री हो, हे देवी, तुम्हीं परम जननी हो।

त्वयैव धार्यते सर्वं त्वयैतत्सृज्यते जगत् ।
त्वयैतत्पाल्यते देवि त्वमत्स्यन्ते च सर्वदा

tvayaiva dhāryate sarvaṃ tvayaitatsṛjyate jagat |
tvayaitatpālyate devi tvamatsyante ca sarvadā

तुम्हीं सबको धारण करती हो, तुम्हीं से यह जगत रचा जाता है। हे देवी, तुम्हीं इसका पालन करती हो और अन्त में सदा तुम्हीं इसे अपने में समेट लेती हो।

विसृष्टौ सृष्टिरूपा त्वं स्थितिरूपा च पालने ।
तथा संहृतिरूपान्ते जगतोऽस्य जगन्मये

visṛṣṭau sṛṣṭirūpā tvaṃ sthitirūpā ca pālane |
tathā saṃhṛtirūpānte jagato'sya jaganmaye

हे जगन्मयी, इस जगत की सृष्टि में तुम सृष्टिरूपा हो, पालन में स्थितिरूपा, और अन्त में संहाररूपा हो।

महाविद्या महामाया महामेधा महास्मृतिः ।
महामोहा च भवती महादेवी महेश्वरी

mahāvidyā mahāmāyā mahāmedhā mahāsmṛtiḥ |
mahāmohā ca bhavatī mahādevī maheśvarī

तुम्हीं महाविद्या, महामाया, महामेधा और महास्मृति हो। तुम्हीं महामोहा, महादेवी और महेश्वरी हो।

प्रकृतिस्त्वञ्च सर्वस्य गुणत्रयविभाविनी ।
कालरात्रिर्महारात्रिर्मोहरात्रिश्च दारुणा

prakṛtistvañca sarvasya guṇatrayavibhāvinī |
kālarātrirmahārātrirmoharātriśca dāruṇā

तुम्हीं तीनों गुणों को प्रकट करने वाली सबकी प्रकृति हो। तुम्हीं कालरात्रि, महारात्रि और भयंकर मोहरात्रि हो।

त्वं श्रीस्त्वमीश्वरी त्वं ह्रीस्त्वं बुद्धिर्बोधलक्षणा ।
लज्जा पुष्टिस्तथा तुष्टिस्त्वं शान्तिः क्षान्तिरेव च

tvaṃ śrīstvamīśvarī tvaṃ hrīstvaṃ buddhirbodhalakṣaṇā |
lajjā puṣṭistathā tuṣṭistvaṃ śāntiḥ kṣāntireva ca

तुम्हीं श्री हो, ईश्वरी हो, ह्री हो, और ज्ञान जिसका लक्षण है वह बुद्धि हो। तुम्हीं लज्जा, पुष्टि, तुष्टि, शान्ति और क्षमा हो।

खडिगनी शूलिनी घोरा गदिनी चक्रिणी तथा ।
शङ्खिनी चापिनी बाण-भुशुण्डी परिघायुधा

khaḍiganī śūlinī ghorā gadinī cakriṇī tathā |
śaṅkhinī cāpinī bāṇa-bhuśuṇḍī parighāyudhā

हे घोररूपा, तुम खड्ग, शूल, गदा, चक्र, शंख, धनुष, बाण, भुशुण्डी और परिघ धारण करने वाली हो।

सौम्या सौम्यतराशेष-सौम्येभ्यस्त्वतिसुन्दरी ।
परापराणां परमा त्वमेव परमेश्वरी

saumyā saumyatarāśeṣa-saumyebhyastvatisundarī |
parāparāṇāṃ paramā tvameva parameśvarī

तुम सौम्य हो, समस्त सौम्य वस्तुओं से भी अधिक सौम्य और अत्यन्त सुन्दरी हो। पर और अपर सबसे परे तुम्हीं परमेश्वरी हो।

यच्च किञ्चित् क्वचिद्वस्तु सदसद्वाखिलात्मिके ।
तस्य सर्वस्य या शिक्तिः सा त्वं किं स्तूयते तदा

yacca kiñcit kvacidvastu sadasadvākhilātmike |
tasya sarvasya yā śiktiḥ sā tvaṃ kiṃ stūyate tadā

हे सर्वात्मिके, कहीं भी जो कुछ सत् या असत् वस्तु है, उस सबकी जो शक्ति है, वह तुम्हीं हो। फिर तुम्हारी स्तुति कैसे की जाए?

यया त्वया जगत्स्त्रष्टा जगत्पात्यत्ति यो जगत् ।
सोऽपि निद्रावशं नीतः कस्त्वां स्तोतुमिहेश्वरः

yayā tvayā jagatstraṣṭā jagatpātyatti yo jagat |
so'pi nidrāvaśaṃ nītaḥ kastvāṃ stotumiheśvaraḥ

जो जगत की सृष्टि, पालन और संहार करते हैं, उन्हें भी तुमने निद्रा के वश में कर दिया। तब यहाँ तुम्हारी स्तुति करने में कौन समर्थ है?

विष्णुः शरीरग्रहणमहामीशान एव च ।
कारितास्ते यतोऽतस्त्वां कः स्तोतुं शक्तिमान् भवेत्

viṣṇuḥ śarīragrahaṇamahāmīśāna eva ca |
kāritāste yato'tastvāṃ kaḥ stotuṃ śaktimān bhavet

तुमने ही विष्णु, मुझे और ईशान शिव को शरीर धारण कराया है। अतः तुम्हारी स्तुति करने की शक्ति किसमें हो सकती है?

सा त्वमित्थं प्रभावैः स्वैरुदारैर्देवि संस्तुता ।
मोहयैतौ दुराधर्षावसुरो मधुकैटभौ

sā tvamitthaṃ prabhāvaiḥ svairudārairdevi saṃstutā |
mohayaitau durādharṣāvasuro madhukaiṭabhau

हे देवी, अपने इन उदार प्रभावों से स्तुत होकर तुम इन दुर्जय असुर मधु और कैटभ को मोहित कर दो।

प्रबोधञ्च जगत्स्वामी नीयतामच्युतो लघु ।
बोधश्च क्रियतामस्य हन्तुमेतौ महासुरौ

prabodhañca jagatsvāmī nīyatāmacyuto laghu |
bodhaśca kriyatāmasya hantumetau mahāsurau

जगत के स्वामी अच्युत को शीघ्र जगा दो, और इन दोनों महासुरों को मारने के लिए उन्हें सचेत कर दो।

एवं स्तुता तदा देवी तामसी तत्र वेधसा ।
विष्णोः प्रबोधनार्थाय निहन्तुं मधुकैटभौ

evaṃ stutā tadā devī tāmasī tatra vedhasā |
viṣṇoḥ prabodhanārthāya nihantuṃ madhukaiṭabhau

ऋषि बोले: ब्रह्मा द्वारा इस प्रकार स्तुति किए जाने पर तामसी देवी विष्णु को जगाने और मधु-कैटभ के वध के लिए वहाँ प्रकट हुईं।

नेत्रास्य-नासिका-बाहु-हृदयेभ्यस्तथोरसः ।
निर्गम्य दर्शने तस्थौ ब्रह्मणोऽव्यक्तजन्मनः

netrāsya-nāsikā-bāhu-hṛdayebhyastathorasaḥ |
nirgamya darśane tasthau brahmaṇo'vyaktajanmanaḥ

वे भगवान के नेत्र, मुख, नासिका, भुजाओं, हृदय और वक्षःस्थल से निकलकर अव्यक्तजन्मा ब्रह्मा के सामने आ खड़ी हुईं।

उत्तस्थौ च जगन्नाथस्तया मुक्तो जनार्दनः ।
एकार्णवेऽहिशयनात् ततः स ददृशे च तौ

uttasthau ca jagannāthastayā mukto janārdanaḥ |
ekārṇave'hiśayanāt tataḥ sa dadṛśe ca tau

उनसे मुक्त होकर जगन्नाथ जनार्दन एकार्णव में शेषशय्या से उठे, और तब उन्होंने उन दोनों को देखा।

मधुकैटभौ दुरात्मानावतिवीर्यपराक्रमौ ।
क्रोधरक्तेक्षणावत्तुं ब्रह्माणं जनितोद्यमौ

madhukaiṭabhau durātmānāvativīryaparākramau |
krodharaktekṣaṇāvattuṃ brahmāṇaṃ janitodyamau

उन्होंने देखा कि अत्यन्त बलवान और पराक्रमी दुरात्मा मधु और कैटभ क्रोध से लाल आँखें किए ब्रह्मा को खा जाने का यत्न कर रहे हैं।

समुत्थाय ततस्ताभ्यां युयुधे भगवान् हरिः ।
पञ्चवर्षसहस्राणि बाहुप्रहरणो विभुः

samutthāya tatastābhyāṃ yuyudhe bhagavān hariḥ |
pañcavarṣasahasrāṇi bāhupraharaṇo vibhuḥ

तब उठकर सर्वव्यापी भगवान श्रीहरि ने केवल भुजाओं को शस्त्र बनाकर उन दोनों से पाँच हजार वर्ष तक युद्ध किया।

तावप्यतिबलोन्मत्तौ महामायाविमोहितौ ।
उक्तवन्तौ वरोऽस्मत्तो व्रियतामिति केशवम्

tāvapyatibalonmattau mahāmāyāvimohitau |
uktavantau varo'smatto vriyatāmiti keśavam

अपने अपार बल से उन्मत्त और महामाया से मोहित उन दोनों ने केशव से कहा: हमसे कोई वर माँग लो।

भवेतामद्य मे तुष्टौ मम वध्यावुभावपि ।
किमन्येन वरेणात्र एतावद्धि वृतं मम

bhavetāmadya me tuṣṭau mama vadhyāvubhāvapi |
kimanyena vareṇātra etāvaddhi vṛtaṃ mama

भगवान बोले: यदि तुम मुझसे प्रसन्न हो, तो आज तुम दोनों मेरे हाथों मारे जाओ। यहाँ दूसरे वर से क्या प्रयोजन? मेरा वर तो इतना ही है।

वञ्चिताभ्यामिति तदा सर्वमापोमयं जगत् ।
विलोक्यं ताभ्यां गदितो भगवान् कमलेक्षणः

vañcitābhyāmiti tadā sarvamāpomayaṃ jagat |
vilokyaṃ tābhyāṃ gadito bhagavān kamalekṣaṇaḥ

ऋषि बोले: इस प्रकार ठगे गए उन दोनों ने देखा कि सारा जगत जल ही जल है। तब उन्होंने कमलनयन भगवान से कहा।

आवां जहि न यत्रोर्वी सलिलेन परिप्लुता ।
प्रीतौ स्वस्तव युद्धेन श्लाघ्यस्त्वं मृत्युरावयोः

āvāṃ jahi na yatrorvī salilena pariplutā |
prītau svastava yuddhena ślāghyastvaṃ mṛtyurāvayoḥ

हमें वहाँ मारो जहाँ पृथ्वी जल में डूबी न हो। हम तुम्हारे युद्ध से प्रसन्न हैं, तुम्हारे हाथों हमारी मृत्यु प्रशंसनीय है।

तथेत्युक्त्वा भगवता शङ्ख-चक्र-गदाभृता ।
कृत्वा चक्रेण वै च्छिन्ने जघने शिरसी तयोः

tathetyuktvā bhagavatā śaṅkha-cakra-gadābhṛtā |
kṛtvā cakreṇa vai cchinne jaghane śirasī tayoḥ

ऋषि बोले: तथास्तु कहकर शंख, चक्र और गदा धारण करने वाले भगवान ने उनके सिर अपनी जाँघ पर रखकर चक्र से काट डाले।

एवमेषा समुत्पन्ना ब्रह्मणा संस्तुता स्वयम् ।
प्रभावमस्या देव्यास्तु भूयः शृणु वदामि ते

evameṣā samutpannā brahmaṇā saṃstutā svayam |
prabhāvamasyā devyāstu bhūyaḥ śṛṇu vadāmi te

इस प्रकार ब्रह्मा जी द्वारा स्तुति किए जाने पर ये देवी स्वयं प्रकट हुईं। अब इन देवी का प्रभाव और भी सुनो, मैं तुमसे कहता हूँ।